(ನ್ಯೂಸ್ಕಡಬ) newskadaba.com ನ. 01. ಪ್ರಧಾನ ಮಂತ್ರಿಗಳ ಆರ್ಥಿಕ ಸಲಹಾ ಮಂಡಳಿ (ಇಎಸಿ-ಪಿಎಂ) ಅಧ್ಯಕ್ಷ ಬಿಬೆಕ್‌ ಡೆಬ್ರಾಯ್ ಇಂದು ಬೆಳಗ್ಗೆ ನಿಧನರಾಗಿದ್ದಾರೆ ಎಂದು ಇಎಸಿ-ಪಿಎಂನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
69 ವರ್ಷದ ಡೆಬ್ರಾಯ್ ಅವರು ನರೇಂದ್ರಪುರದ ರಾಮಕಷ್ಣ ಮಿಷನ್‌ ಶಾಲೆಯಲ್ಲಿ ಶಿಕ್ಷಣ ಪಡೆದಿದ್ದು ಹಾಗೂ ಕೋಲ್ಕತ್ತಾದ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಕೆಲಸ ಮಾಡಿದ್ದರು. ಗೋಖಲೆ ಇನ್‌ಸ್ಟಿಟ್ಯೂಟ್‌ ಆಫ್‌ ಪಾಲಿಟಿಕ್ಸ್ ಅಂಡ್‌ ಎಕನಾಮಿಕ್ಸ್, ಪುಣೆಯಲ್ಲಿರುವ ಇಂಡಿಯನ್‌ ಇನ್‌ ಸ್ಟಿಟ್ಯೂಟ್‌ ಆಫ್‌ ಫಾರಿನ್‌ ಟ್ರೇಡ್‌ ಹಾಗೂ ದೆಹಲಿಯ ಕಾನೂನು ಸುಧಾರಣೆಗಳ ಕುರಿತು ಹಣಕಾಸು ಸಚಿವಾಲಯದ ಯೋಜನೆಯ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದರು. ಅವರು ಜೂನ್‌ 5, 2019 ರವರೆಗೆ ನೀತಿ ಆಯೋಗದ ಸದಸ್ಯರಾಗಿದ್ದರು. ಪ್ರಧಾನಿ ನರೇಂದ್ರ ಮೋದಿ ಅವರು ಡೆಬ್ರಾಯ್ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ ಮಾತ್ರವಲ್ಲ, ಅವರನ್ನು ಗೌರವದ ವಿದ್ವಾಂಸ ಎಂದು ಕರೆದಿದ್ದಾರೆ.
