(ನ್ಯೂಸ್ ಕಡಬ)newskadaba.com ಲಕ್ನೋ,ಮೇ.20 ಖಾಕಿ ತೊಟ್ಟ ಪೊಲೀಸರು ಎಂದರೆ ಕೆಲವರಿಗೆ ಭಯ. ಆದರೆ ಇಬ್ಬರು ಯುವಕರು ಪೊಲೀಸರ ಗಾಡಿಯನ್ನೇ ಬಳಸಿಕೊಂಡು ರೀಲ್ಸ್‌ ಮಾಡಿರುವ ವಿಡಿಯೋ ವೈರಲ್‌ ಆಗಿದೆ.ಉತ್ತರ ಪ್ರದೇಶದ ಕಾನ್ಪುರದ ಬಜಾರಿಯಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ ಎನ್ನಲಾದ ಈ ಘಟನೆಯ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಕಮಿಷನರ್‌ ಪೊಲೀಸ್ ಜೀಪ್‌ ನ ಮೇಲೆ ಇಬ್ಬರು ಯುವಕರು ಕೂತು ಇನ್ಸ್ಟ್ರಾಗ್ರಾಮ್‌ ರೀಲ್ಸ್‌ ಮಾಡಿದ್ದಾರೆ. ಪೊಲೀಸ್ ಜೀಪ್‌ ನ್ನು ರಿಪೇರಿಗೆಂದು ಗ್ಯಾರೇಜ್‌ ನಲ್ಲಿ ಇಟ್ಟಾಗ ಯುವಕರು ಇದನ್ನು ಬಳಸಿ ಈ ರೀತಿ ಮಾಡಿದ್ದಾರೆ. ಇಬ್ಬರ ವಿರುದ್ದವೂ ಕಾನೂನು ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಎಸಿಪಿ ಸಿಸಮೌ ಶಿಖರ್ ಹೇಳಿದ್ದಾರೆ.
