(ನ್ಯೂಸ್ ಕಡಬ) newskadaba.com ನ. 07. ಇತ್ತೀಚಿನ ದಿನಗಳಲ್ಲಿ ಅನೇಕರು ಕ್ರೆಡಿಟ್ ಕಾರ್ಡ್ ನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ. ಈ ವರ್ಷದ ಕೊನೆಯಲ್ಲಿ ಅಂದರೆ ಡಿಸೆಂಬರ್ 1ರಿಂದ ಕ್ರೆಡಿಟ್ ಕಾರ್ಡ್ ನಿಯಮಗಳು ಬದಲಾಗಲಿದ್ದು, ಪ್ರಮುಖವಾಗಿ ಎರಡು ನಿಯಮಗಳಲ್ಲಿ ಬದಲಾವಣೆಯಾಗುತ್ತಿದೆ. ಹೀಗಾಗಿ ಕ್ರಿಡಿಟ್ ಕಾರ್ಡ್ ಬಳಕೆ ಮಾಡುವವರು ಸ್ವೈಪ್ ಮಾಡುವ ಮುನ್ನ ಹೊಸ ನಿಯಮದ ಬಗ್ಗೆ ತಿಳಿದುಕೊಳ್ಳುವುದು ಅತ್ಯಗತ್ಯ.
ಇವತ್ತಿನ ದಿನಗಳಲ್ಲಿ ಬ್ಯಾಂಕ್ ಗಳು ಕ್ರೆಡಿಟ್ ಕಾರ್ಡ್ ನ್ನು ನೀಡುತ್ತಿದ್ದು ನಿಮ್ಮ ಹತ್ರ ಕ್ರೆಡಿಟ್ ಕಾರ್ಡ್ ಇದ್ರೆ, ನಿಮಗೊಂದು ಮುಖ್ಯವಾದ ಅಪ್ಡೇಟ್ ಇದೆ. ಡಿಸೆಂಬರ್ 1ರಿಂದ, ಕ್ರೆಡಿಟ್ ಕಾರ್ಡ್ ನಿಯಮಗಳು ಬದಲಾಗಲಿವೆ, ಬ್ಯಾಂಕ್‌ಗಳು ಕಾರ್ಡ್ ಲಾಭಗಳ ಮೇಲೆ ಪರಿಣಾಮ ಬೀರುವ ಎರಡು ಗಮನಾರ್ಹ ಬದಲಾವಣೆಗಳನ್ನು ಪರಿಚಯಿಸುತ್ತಿದೆ.
ಡಿಸೆಂಬರ್ 1 ರಿಂದ, ವಿಮಾನಗಳು ಮತ್ತು ಹೋಟೆಲ್‌ಗಳನ್ನು ಬುಕ್ ಮಾಡಲು ರಿವಾರ್ಡ್ ಪಾಯಿಂಟ್‌ ಗಳ ಸಂಖ್ಯೆಯನ್ನು ಬ್ಯಾಂಕ್ ಗಳು ನಿಗದಿಪಡಿಸುತ್ತವೆ. ಒಟ್ಟು ಖರ್ಚಿನ 70% ಅಥವಾ ಮಾಸಿಕ ಗರಿಷ್ಠ (ಯಾವುದು ಕಡಿಮೆ ಇರುತ್ತದೆಯೋ ಅದು) ಕಾರ್ಡ್ ದಾರರು ತಮ್ಮ ರಿವಾರ್ಡ್ ಪಾಯಿಂಟ್‌ ಗಳನ್ನು ಬಳಸಬಹುದು. ಅದರಂತೆ ವೈಯಕ್ತಿಕ ಪ್ರೈಮ್ ಕಾರ್ಡ್ ಗಳು 600,000 ಪಾಯಿಂಟ್‌ಗಳು, ಮಾರ್ಕ್ಯೂ ಕಾರ್ಡ್ 3,000 ಪಾಯಿಂಟ್‌ಗಳು, ರಿಸರ್ವ್ ಕಾರ್ಡ್ 2,000 ಪಾಯಿಂಟ್‌ಗಳು, ಯೆಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ಗಳು 100,000 ಪಾಯಿಂಟ್‌ಗಳು ಎಂದು ತಿಳಿದುಬಂದಿದೆ.
ಗಿಫ್ಟ್ ವೋಚರ್‌ಗಳು ಅಥವಾ ಸ್ಟೇಟ್‌ಮೆಂಟ್ ಕ್ರೆಡಿಟ್‌ಗಳಿಗೆ ಲಭ್ಯವಿರುವ ಪಾಯಿಂಟ್‌ಗಳಲ್ಲಿ 50% ಮಾತ್ರ ರಿಡೀಮ್ ಮಾಡಲು ಅನುಮತಿಸುವ ಪ್ರಸ್ತುತ ಮಿತಿಗೆ ಹೆಚ್ಚುವರಿಯಾಗಿ ಈ ಹೊಸ ಮಿತಿ ಅನ್ವಯಿಸುತ್ತದೆ. ಏಪ್ರಿಲ್ 1, 2025ರಿಂದ ಯೆಸ್ ಬ್ಯಾಂಕ್ ತನ್ನ ಕ್ರೆಡಿಟ್ ಕಾರ್ಡ್ ಗಳಲ್ಲಿ ಉಚಿತ ವಿಮಾನ ನಿಲ್ದಾಣ ಲೌಂಜ್ ಪ್ರವೇಶಕ್ಕಾಗಿ ಖರ್ಚು ಮಿತಿಗಳನ್ನು ಹೆಚ್ಚಿಸುತ್ತಿದೆ.
ಹೊಸ ನಿಯಮಗಳ ಪ್ರಕಾರ, ಯೆಸ್ ಮಾರ್ಕ್ಯೂ ಕಾರ್ಡ್ ಗೆ ಆರು ಲೌಂಜ್ ಭೇಟಿಗಳನ್ನು ಸೇರಿಸಲಾಗಿದೆ. ಯೆಸ್ ರಿಸರ್ವ್ ಕಾರ್ಡ್‌ಗೆ ಮೂರು ಭೇಟಿಗಳು ₹1 ಲಕ್ಷ ಖರ್ಚು ಮಾಡಬೇಕು, ಮತ್ತು ಯೆಸ್ ಫಸ್ಟ್ ಬಿಸಿನೆಸ್ ಕಾರ್ಡ್ ಗಳಿಗೆ ಎರಡು ಭೇಟಿಗಳು ₹75,000 ಖರ್ಚು ಮಾಡಬೇಕು. Yes Elite+, Select, BYOC, Wellness Plus ಮತ್ತು Yes Prosperity ಬಿಸಿನೆಸ್ ಕಾರ್ಡ್‌ಗಳಿಗೆ, ಕಾರ್ಡ್‌ದಾರರು ಒಂದು ಅಥವಾ ಎರಡು ಲೌಂಜ್ ಭೇಟಿಗಳನ್ನು ಪಡೆಯಲು ₹50,000 ಖರ್ಚು ಮಾಡಬೇಕು.
