(ನ್ಯೂಸ್ ಕಡಬ) newskadaba.com, ಜೂ.30 ದೇಶದಲ್ಲಿ ಇಂಧನ ಪೂರೈಕೆ ಸಂಪೂರ್ಣವಾಗಿ ಸಹಜ ಸ್ಥಿತಿಗೆ ಮರಳಿರುವುದನ್ನು ಪರಿಗಣಿಸಿ, ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು ಜೂನ್ 29 ರಂದು ಹೊಸ ಆದೇಶವೊಂದನ್ನು ಹೊರಡಿಸಿದೆ.
ಜೂನ್ 12 ರಂದು ಇಂಧನ ಕೊರತೆ ಮತ್ತು ಕಾಳಸಂತೆಯನ್ನು ತಡೆಯುವ ಉದ್ದೇಶದಿಂದ ಹೇರಲಾಗಿದ್ದ ತುರ್ತು ನಿಯಂತ್ರಣ ಕ್ರಮಗಳು ಹಾಗೂ ವಾಣಿಜ್ಯ ಗ್ರಾಹಕರ ಮೇಲಿನ ಇಂಧನ ಖರೀದಿ ಮಿತಿಗಳು ಸಾರ್ವಜನಿಕ ಹಿತದೃಷ್ಟಿಯಿಂದ ಇನ್ನು ಮುಂದೆ ಅಗತ್ಯವಿಲ್ಲ ಎಂದು ಸಚಿವಾಲಯವು ಸ್ಪಷ್ಟಪಡಿಸಿದೆ.
ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನಿಂದಾಗಿ ಸಗಟು ಇಂಧನ ದರಗಳು ಹೆಚ್ಚಾಗಿದ್ದಾಗ, ವಾಣಿಜ್ಯ ಗ್ರಾಹಕರು ರಿಟೇಲ್ ಬಂಕ್ಗಳತ್ತ ಮುಖ ಮಾಡಿದ್ದರಿಂದ ತಾತ್ಕಾಲಿಕ ನಿಯಂತ್ರಣ ಹೇರಲಾಗಿತ್ತು. ಪ್ರಸ್ತುತ ಜಾಗತಿಕ ಪೂರೈಕೆ ಹಾಗೂ ಹಾರ್ಮುಜ್ ಜಲಸಂಧಿಯ ಸಂಚಾರ ಸುಗಮಗೊಂಡಿರುವುದರಿಂದ ಈ ನಿರ್ಬಂಧಗಳನ್ನು ಮುಂಬರುವ ಜುಲೈ 1 ರಿಂದ ಸಂಪೂರ್ಣವಾಗಿ ಹಿಂಪಡೆಯಲಾಗುತ್ತಿದೆ.
