(ನ್ಯೂಸ್ ಕಡಬ) newskadaba.com, ಜೂ.17: ಜೂನ್ 1ರಿಂದ ಜಾರಿಯಾದ ಎಐ ಫೇಸ್-ಲೊಕೇಶನ್ ಹಾಜರಾತಿ ವ್ಯವಸ್ಥೆಯಿಂದಾಗಿ ಬಳ್ಳಾರಿಯ ಶೇ. 95ರಷ್ಟು ಶಿಕ್ಷಕರು ನಿಗದಿತ ಸಮಯಕ್ಕೆ ಶಾಲೆಗೆ ಬರುತ್ತಿದ್ದಾರೆ.
ತಡವಾಗಿ ಬರುವ ಸಿಬ್ಬಂದಿಗೆ ಆ ದಿನ ‘ಆಕಸ್ಮಿಕ ರಜೆ’ ಎಂದು ಪರಿಗಣಿಸಲಾಗುತ್ತಿರುವುದರಿಂದ ಶಿಕ್ಷಕರು ಸಮಯಕ್ಕೆ ಸರಿಯಾಗಿ ಹಾಜರಾಗುತ್ತಿದ್ದಾರೆ.ಈ ಹಿಂದೆ ನೆಪ ಹೇಳಿ ಶಾಲೆಯಿಂದ ಹೊರಗುಳಿಯುತ್ತಿದ್ದ ಶೇ. 15ರಷ್ಟು ಶಿಕ್ಷಕರ ಪ್ರವೃತ್ತಿಗೆ ಹಾಗೂ ಕಚೇರಿ ಕೆಲಸದ ಹೆಸರಲ್ಲಿ ಅಲೆದಾಡುತ್ತಿದ್ದವರಿಗೆ ಹೊಸ ನಿಯಮದಿಂದ ಕಡಿವಾಣ ಬಿದ್ದಿದೆ.
ಶಿಕ್ಷಕರ ಬೆನ್ನಲ್ಲೇ, ಜುಲೈ 1ರಿಂದ ಜಿಲ್ಲೆಯ ಎಲ್ಲಾ ಸರ್ಕಾರಿ ಶಾಲೆಗಳ ವಿದ್ಯಾರ್ಥಿಗಳಿಗೂ ‘ಫೇಸ್ ರಿಕಗ್ನಿಷನ್ ಹಾಜರಾತಿ’ ಕಡ್ಡಾಯವಾಗಲಿದೆ.ವಿದ್ಯಾರ್ಥಿಗಳ ಹೊಸ ಹಾಜರಾತಿ ವ್ಯವಸ್ಥೆಯಿಂದಾಗಿ ಬಿಸಿಯೂಟ, ಹಾಲು ಮತ್ತು ಮೊಟ್ಟೆ ವಿತರಣೆಯಲ್ಲಿ ನಡೆಯುತ್ತಿದ್ದ ಮಕ್ಕಳ ಸಂಖ್ಯೆಯ ಕಳ್ಳಲೆಕ್ಕಕ್ಕೆ ಸಂಪೂರ್ಣ ಬ್ರೇಕ್ ಬೀಳಲಿದೆ.
