(ನ್ಯೂಸ್ ಕಡಬ) newskadaba.com ಮಂಗಳೂರು, ಜೂ. 16. ಜಿಲ್ಲೆಯ ಎಲ್ಲಾ ಬ್ಲಡ್ ಬ್ಯಾಂಕ್‌ಗಳಲ್ಲಿ ರೋಗಿಗಳಿಗೆ ಅವಶ್ಯಕತೆಗನುಸಾರವಾಗಿ ಪೂರೈಸಲಾಗುವ ರಕ್ತಗಳಿಗೆ ಈಗಾಗಲೇ ಪರೀಕ್ಷಾ ಮತ್ತು ಪರಿಶೀಲನಾ ವೆಚ್ಚವನ್ನು ನಿಗದಿಪಡಿಸಲಾಗಿದೆ ಮತ್ತು ಅದನ್ನು ರೋಗಿಗಳೇ ಭರಿಸುತ್ತಿದ್ದಾರೆ. ರಕ್ತ ವಿಂಗಡಣೆ ಪ್ರಕ್ರಿಯೆಗಳಾದ ಪ್ಲಾಸ್ಮಾ, ಪ್ಲೇಟ್ಲೇಟ್ ಮತ್ತು ಕ್ರಯೋ ಹೀಗೇ ಪ್ರತಿಯೊಂದಕ್ಕೂ ಬ್ಲಡ್ ಬ್ಯಾಂಕ್‌ಗಳಲ್ಲಿ ನಿರ್ದಿಷ್ಟ ದರ ನಿಗದಿಪಡಿಸಲಾಗಿದೆ. ಅದರಂತೆ ಜಿಲ್ಲೆಯ ವಿವಿಧ ಖಾಸಗಿ ರಕ್ತ ನಿಧಿಗಳಲ್ಲಿ ಪ್ಯಾಕ್ಸ್‌ ಸೆಲ್ ಒಂದು ಯುನಿಟ್ ರಕ್ತಕ್ಕೆ ರೂ. 750 ರಿಂದ ರೂ. 900 ರವರೆಗೆ ದರ ನಿಗದಿಯಾಗಿದೆ ಅದರಂತೆ ಕಾರ್ಯಾಚರಿಸುತ್ತಿದೆ.
ಆದರೆ ಜಿಲ್ಲೆಯ ರಕ್ತ ನಿಧಿಯೊಂದರಲ್ಲಿ ಒಂದು ಯುನಿಟ್ ಪ್ಯಾಕ್ಸ್‌ ಸೆಲ್‌ಗೆ ರೂ. 1985/- ಸ್ವೀಕರಿಸಿದ್ದು, ರೋಗಿಗಳ ಕುಟುಂಬಸ್ಥರ ಮುಖೇನ ನಮ್ಮ ಗಮನಕ್ಕೆ ಬಂದಿರುತ್ತದೆ. ಬಡ ಹಾಗೂ ಮಧ್ಯಮ ವರ್ಗದ ರೋಗಿಗಳಿಗೆ ಅದರಲ್ಲೂ ಶಸ್ತ್ರ ಚಿಕಿತ್ಸೆಗೆ ಒಳಪಡುವ ರೋಗಿಗಳಿಗೆ ಅಧಿಕವಾಗಿರುವ ಈ ವೆಚ್ಚವನ್ನು ಭರಿಸಲು ಕಷ್ಟ ಮತ್ತು ಇದು ಐದಾರು ಯುನಿಟ್ ರಕ್ತ ಬೇಕಾಗುವಾಗ ರೋಗಿಗಳ ಮೇಲೆ ಇದು ದೊಡ್ಡ ಹೊರೆಯೇ ಸರಿ. ಹೀಗೆ ದಿಢೀರ್ ಆಗಿ ಏರಿಕೆಯಾಗಿರುವ ಮೊತ್ತವನ್ನು ರೋಗಿಗಳಿಗೆ ಅತೀವ ಹೊರೆಯಾಗದಂತೆ ಕಡಿತಗೊಳಿಸಲು ಸಂಬಂಧಪಟ್ಟ ಆಡಳಿತ ಮಂಡಳಿಯವರಿಗೆ ತಿಳಿಸಬೇಕೆಂದು ಮನವಿ ಮಾಡಲಾಯಿತು.
ಈ ಸಂದರ್ಭದಲ್ಲಿ ಬ್ಲಡ್ ಡೋನರ್ಸ್ ಮಂಗಳೂರು ಸಂಸ್ಥೆಯ ಸ್ಥಾಪಕರಾದ ಸಿದ್ದೀಕ್ ಮಂಜೇಶ್ವರ, ಅಧ್ಯಕ್ಷರಾದ ನವಾಝ್ ನರಿಂಗಾನ, ಕಾರ್ಯದರ್ಶಿ ಶಾಹುಲ್ ಹಮೀದ್ ಕಾಶಿಪಟ್ನ, ಸದಸ್ಯರಾದ ಫರ್ಝಾನ್ ಸಿದ್ದಕಟ್ಟೆ ಹಾಗೂ ರಝಾಕ್ ಸಾಲ್ಮರ ಮೊದಲಾದವರು ಉಪಸ್ಥಿತರಿದ್ದರು.
