(ನ್ಯೂಸ್ ಕಡಬ) newskadaba.com ಅ.28: ದೆಹಲಿ ಪ್ರಮುಖ ಸ್ಟೋರ್ಗಳಲ್ಲಿ ಆಪಲ್ ಸಂಸ್ಥೆಯ ಇತ್ತೀಚಿನ ಐಫೋನ್ 14 ಪ್ರೋ ಸ್ಟಾಕ್ ಖಾಲಿಯಾಗುತ್ತಿದೆ ಎನ್ನುವ ವರದಿಗಳ ಕುರಿತು ಆಪಲ್ ಕಂಪನಿಯ ಜೊತೆ ಮಾತನಾಡಿರುವುದಾಗಿ ಇಲೆಕ್ಟ್ರಾನಿಕ್ಸ್ ಮತ್ತು ಐಟಿ ರಾಜ್ಯ ಸಚಿವ ರಾಜೀವ್ ಚಂದ್ರಶೇಖರ್ ಹೇಳಿದ್ದಾರೆ. ಐಫೋನ್ 14 ಪ್ರೊಗೆ ಬೇಡಿಕೆ ಹೆಚ್ಚುತ್ತಿದೆ ಮತ್ತು ಆಪಲ್ ಪೂರೈಕೆ ನಿರ್ಬಂಧಗಳನ್ನು ಪರಿಹರಿಸುವಲ್ಲಿ ಶ್ರಮವಹಿಸುತ್ತಿದೆ ಎಂದು ಸಚಿವರು ಹೇಳಿದ್ದಾರೆ. “ನಾನು ಆಪಲ್ನೊಂದಿಗೆ ಮಾತನಾಡಿದ್ದೇನೆ ಮತ್ತು ಅವರು ಭಾರತದ ಉತ್ಪಾದನೆಯೊಂದಿಗೆ ಐಫೋನ್ 14 ಬೇಡಿಕೆಯನ್ನು ಪೂರೈಸುತ್ತದ್ದೇವೆ. ಇದರ ನಡುವೆ ಐಫೋನ್ 14 ಪ್ರೊ ಬೇಡಿಕೆಯು ಹೆಚ್ಚಿದೆ. ಅದಲ್ಲದೆ, ಈ ಫೋನ್ಗಳನ್ನು ಪೂರೈಕೆ ಮಾಡುವಲ್ಲಿ ಆಗುತ್ತಿರುವ ಸಮಸ್ಯೆಗಳನ್ನು ಪರಿಹರಿಸಲು ಪ್ರಯತ್ನ ಮಾಡುತ್ತಿರುವುದಾಗಿ ಅವರು ಹೇಳಿದ್ದಾರೆ’ ಎಂದು ಸಚಿವರು ಟ್ವೀಟ್ ಮಾಡಿದ್ದಾರೆ.
‘ಖಾಸಗಿ ಮಾರಾಟಗಳು ಬಹುಶಃ “ಪರ್ಯಾಯ” ಪೂರೈಕೆ ಚಾನೆಲ್ಗಳಾಗಿವೆ” ಚಂದ್ರಶೇಖರ್ ಹೇಳಿದ್ದಾರೆ. ಹೊಸ ಮಾಡೆಲ್ಗಳು ಸ್ಟೋರ್ಗಳಿಗೆ ಬಂದ ಬಳಿಕ, ಈ ಹಬ್ಬದ ಋತುವಿನಲ್ಲಿ ಹೊಸದಾಗಿ ಬಿಡುಗಡೆಯಾದ ಐಫೋನ್ 14 ಗೆ ಬೇಡಿಕೆಯಲ್ಲಿ ತೀವ್ರ ಏರಿಕೆ ಕಂಡುಬಂದಿದೆ. ಇದಲ್ಲದೆ, ವಿವಿಧ ಇ-ಕಾಮರ್ಸ್ ಮತ್ತು ಚಿಲ್ಲರೆ ಪ್ಲಾಟ್ಫಾರ್ಮ್ಗಳ ಆಕರ್ಷಕ ಕೊಡುಗೆಗಳು ಹೊಸ ಮಾದರಿಯ ಮೊಬೈಲ್ನ ಬೇಡಿಕೆಯನ್ನು ಇನ್ನಷ್ಟು ಹೆಚ್ಚಿಸಿತ್ತು.
ಆಪಲ್ ಐಫೋನ್ 14 ಪ್ರೋ ಆರಂಭಿಕ ಬೆಲೆ ₹1,29,900. ಮೂಲ ಮಾದರಿಯು 128ಜಿಬಿ ಸ್ಟೋರೇಜ್ ಪ್ಯಾಕ್ ಇದರಲ್ಲಿ ಇರುತ್ತದೆ. ಇದರ ಉನ್ನತ-ಮಟ್ಟದ ರೂಪಾಂತರದಲ್ಲಿ 1TB ವರೆಗೆ ಹೋಗುತ್ತದೆ. ಅದೇ ರೀತಿ, ಐಫೋನ್ 14 ಪ್ರೋ ಮ್ಯಾಕ್ಸ್ ಮೂಲ ರೂಪಾಂತರಕ್ಕೆ Rs1,39,900 ಆರಂಭಿಕ ಬೆಲೆಯನ್ನು ಹೊಂದಿದೆ.
