(ನ್ಯೂಸ್ ಕಡಬ) newskadaba.com ಬೆಂಗಳೂರು, ಜೂ.12. ರಾಜ್ಯದಲ್ಲಿ 50 ಹೊಸ ತಾಲೂಕು ರಚನೆಯ ಬಳಿಕ 50 ಹೊಸ ತಾಲೂಕು ಪಂಚಾಯತ್ ಗಳನ್ನು ಸರಕಾರವು ಘೋಷಿಸಿದ್ದು, ನೂತನ ತಾಲೂಕು ಪಂಚಾಯತ್ ರಚನೆಯಲ್ಲಿ ಕಡಬವೂ ಸೇರಿದೆ.
ಪಂಚಾಯತ್ ರಾಜ್ ಇಲಾಖೆಯು ವಿಶೇಷ ಕಾಳಜಿ ವಹಿಸಿ ನೂತನ ತಾಲೂಕು ಪಂಚಾಯತ್ ಗಳನ್ನು ರಚಿಸಿದ್ದು, ಈ ಬಗ್ಗೆ ಅಧಿಕೃತ ಆದೇಶ ಹೊರಡಿಸಿರುವ ರಾಜ್ಯ ಸರಕಾರವು ಪ್ರತೀ ತಾಲೂಕಿಗೆ 14 ರಂತೆ ಒಟ್ಟು 700 ಹುದ್ದೆಗಳನ್ನು ಸೃಷ್ಟಿಸಿದೆ. ಕಡಬವು ತಾಲೂಕಾಗಿ ಕೆಲವೇ ತಿಂಗಳು ಪೂರ್ಣವಾಗಿದ್ದು, ಈ ನಡುವೆ ಕಡಬ ತಾಲೂಕು ಪಂಚಾಯತ್ ರಚಿಸಿರುವುದರಿಂದ ಕಡಬದ ಅಭಿವೃದ್ಧಿಗೆ ಪೂರಕವಾಗಲಿದೆ.
