(ನ್ಯೂಸ್ ಕಡಬ) newskadaba.com, ಸೆ. 22 .ಕರ್ನಾಟಕದಲ್ಲಿ ಸತತ ಎರಡನೇ ಬಾರಿಗೆ ಅಕ್ಕಿ ದರ ದಿಢೀರ್ ಏರಿಕೆಯಾಗಿದ್ದು, ಸಾಮಾನ್ಯ ಗ್ರಾಹಕರಿಗೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ. ಮಳೆ ಕೊರತೆ ಹಾಗೂ ನೀರಿನ ಅಭಾವದಿಂದಾಗಿ ಸೂಕ್ತ ಇಳುವರಿ ಬಾರದಿರುವುದೇ ಈ ಬೆಲೆ ಏರಿಕೆಗೆ ಮುಖ್ಯ ಕಾರಣ ಎಂದು ವರ್ತಕರು ತಿಳಿಸಿದ್ದಾರೆ.
ಕೋಲಂ ಅಕ್ಕಿ ಕೆಜಿಗೆ ₹75 ರಷ್ಟಿದ್ದ ದರ ಇದೀಗ ₹100 ಕ್ಕೆ ಏರಿಕೆಯಾಗಿದೆ. ಸೋನಾಮಸೂರಿ: ಕೆಜಿಗೆ ₹68 ರಿಂದ ₹82 ಕ್ಕೆ ಹೆಚ್ಚಳವಾಗಿದೆ.ಜೀರಾ ಸಾಂಬ: ಕೆಜಿಗೆ ₹180 ರಿಂದ ₹200 ಕ್ಕೆ ಏರಿಕೆಯಾಗಿದೆ.ಸ್ಟೀಮ್ ಅಕ್ಕಿ: ಕೆಜಿಗೆ ₹68 ರಿಂದ ₹75 ಕ್ಕೆ ತಲುಪಿದೆ.ಮಳೆ ಅಭಾವದಿಂದಾಗಿ ಬೆಳೆಗಳು ಸೂಕ್ತವಾಗಿ ಕಟಾವಿಗೆ ಬರದೇ ಇರುವುದರಿಂದ ಮುಂಬರುವ ದಿನಗಳಲ್ಲಿ ಅಕ್ಕಿ ಬೆಲೆ ಇನ್ನಷ್ಟು ಏರಿಕೆಯಾಗುವ ಆತಂಕ ಎದುರಾಗಿದೆ.
