(ನ್ಯೂಸ್ ಕಡಬ) newskadaba.com, ಮೇ.14: ವಿಶ್ವ ಅಧಿಕ ರಕ್ತದೊತ್ತಡ ದಿನವನ್ನು ಆಚರಿಸುತ್ತಿರುವ ಈ ಸಂದರ್ಭದಲ್ಲಿ ಆಧುನಿಕ ಶೈಲಿ, ತಡೆಗಟ್ಟಬಹದಾದ ಆರೋಗ್ಯ ರಕ್ಷಣೆ ಮತ್ತು ದೀರ್ಘಕಾಲೀನ ಯೋಗ ಕ್ಷೇಮಕ್ಕೆ ಸಮಗ್ರ ವಿಧಾನಗಳ ಸಂಗಮದಲ್ಲಿ ಕುಳಿತಿರುವ ಭಾರತದ ಅತ್ಯಂತ ಒತ್ತಡದ ಸಾರ್ವಜನಿಕ ಆರೋಗ್ಯ ಕಾಳಜಿಗಳಲ್ಲಿ ರಕ್ತದೊತ್ತಡವೂ ಒಂದಾಗಿದೆ.
ಸೈಲೆಂಟ್ ಕಿಲ್ಲರ್ ಎಂದೇ ಕರೆಯಲಾಗುವ ಅಧಿಕ ರಕ್ತದೊತ್ತಡವು ಜಾಗತಿಕವಾಗಿ ಹೃದಯಾಘಾತ, ಪಾರ್ಶ್ವವಾಯು ಮತ್ತು ಮೂತ್ರಪಿಂಡ ಸಂಬಂಧಿತ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಭಾರತದಲ್ಲಿ ಇದು 220 ಮಿಲಿಯನ್ ಗಿಂತಲೂ ಹೆಚ್ಚು ಜನರ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಇದು ಆರೋಗ್ಯ ವ್ಯವಸ್ಥೆಯ ಮೇಲೆ ಭಾರೀ ಹೊರೆಯನ್ನು ಬೀರುತ್ತದೆ. ಇದರ ಹೆಚ್ಚಿನ ಹರಡುವಿಕೆಯ ಹೊರತಾಗಿಯೂ ಸೀಮಿತ ನಿಯಮಿತ ತಪಾಸಣೆ ಮಾಡದೇ ಅಥವಾ ಅರಿವಿನಿಂದಾಗಿ ಹೆಚ್ಚಿನ ಪ್ರಮಾಣದ ಪ್ರಕರಣಗಳು ರೋಗನಿರ್ಣಯ ಮಾಡದೇ ಅಥವಾ ಸರಿಯಾಗಿ ನಿಯಂತ್ರಿಸಲ್ಪಡದೇ ಉಳಿದಿವೆ.
ಇತ್ತೀಚಿನ ವರ್ಷಗಳಲ್ಲಿ ನಗರ ಪ್ರದೇಶಗಳಲ್ಲಿ ಈ ಅಧಿಕ ರಕ್ತದೊತ್ತಡ ಹೆಚ್ಚಾಗಿ ಕಂಡು ಬರುತ್ತಿದೆ. ದೀರ್ಘಕಾಲದ ಒತ್ತಡ, ದೀರ್ಘ ಕೆಲಸದ ಸಮಯ, ದೈಹಿಕ ಚಟುವಟಿಕೆಯ ಕೊರತೆ, ಅನಿಯಮಿತ ನಿದ್ರೆಯ ಅಭ್ಯಾಸ ಮತ್ತು ಅತಿಯಾದ ಉಪ್ಪು ಮತ್ತು ಉಪ್ಪು ಇರುವ ಸಂಸ್ಕರಿಸಿದ ಆಹಾರಗಳ ಹೆಚ್ಚಿನ ಸೇವನೆಯು ಇದರ ಹೆಚ್ಚಳಕ್ಕೆ ಗಮನಾರ್ಹವಾಗಿ ಕಾರಣವಾಗಿದೆ. ಇದಲ್ಲದೇ, ಬೊಜ್ಜು ಮತ್ತು ಚಯಾಪಚಯ ಅಸ್ವಸ್ಥತೆಗಳು ಅಪಾಯ ವನ್ನು ಮತ್ತಷ್ಟು ಹೆಚ್ಚಿಸುತ್ತಿವೆ. ಇದು ದೀರ್ಘಕಾಲೀನ ವೈಯಕ್ತಿಕ ನಿರ್ವಹಣೆಯ ಅಗತ್ಯವಿರುವ ಬಹು ಕ್ರಿಯಾತ್ಮಕ ಪರಿಸ್ಥಿತಿಗಳಲ್ಲಿ ಅಧಿಕ ರಕ್ತದೊತ್ತಡವನ್ನು ಮಾರಕ ಕಾಯಿಲೆಯನ್ನಾಗಿ ಮಾಡುತ್ತದೆ.
ವಯೋಮಾನದಲ್ಲಿನ ಬದಲಾವಣೆಯು ಕಳವಳಕಾರಿ ಪ್ರವೃತ್ತಿಯಾಗಿದೆ. ಏಕೆಂದರೆ, ಈಗ ಯುವ ವೃತ್ತಿಪರರು ಮತ್ತು ಜೆನ್ ಝಿಗಳಲ್ಲಿಯೂ ಸಹ ಅಧಿಕ ರಕ್ತದೊತ್ತಡ ಹೆಚ್ಚಾಗು ತ್ತಿರುವುದು ಕಂಡು ಬರುತ್ತಿದೆ. ಜಡತ್ವದ ಕೆಲಸದ ವಾತಾವರಣ, ಅತಿಯಾಗಿ ಕಂಪ್ಯೂಟರ್ ಬಳಸುವುದು, ಕಳಪೆ ಅಥವಾ ನಿದ್ರೆಯ ಕೊರತೆ ಅಧಿಕವಾದ ಒತ್ತಡಕ್ಕೆ ಒಳಗಾಗುವುದು ಪ್ರಮುಖ ಕಾರಣಗಳಾಗಿವೆ. ಇದು ಆರಂಭಿಕ ಹಂತದಲ್ಲಿಯೇ ಪತ್ತೆ ಮಾಡುವುದು ಹಾಗೂ ಇದನ್ನು ತಡೆಗಟ್ಟುವ ಆರೈಕೆಯ ತುರ್ತು ಅಗತ್ಯವನ್ನು ಒತ್ತಿ ಹೇಳುತ್ತದೆ.
ಡಾ.ಕಲ್ಯಾಣ್ ಬ್ಯಾನರ್ಜಿ ಕ್ಲಿನಿಕ್ ನ ಡಾ.ಕುಶಲ್ ಬ್ಯಾನರ್ಜಿ ಅವರು, “ಈ ಸೈಲೆಂಟ್ ಕಿಲ್ಲರ್ ರೋಗದ ಬಗ್ಗೆ ತೀವ್ರ ಕಳವಳ ವ್ಯಕ್ತಪಡಿಸಿ, ಇಂದು ಹೆಚ್ಚುತ್ತಿರುವ ಅಧಿಕ ರಕ್ತದೊತ್ತಡವು ನಮ್ಮ ಜೀವನಶೈಲಿ ಎಷ್ಟರ ಮಟ್ಟಿಗೆ ಆಳವಾಗಿ ಬದಲಾಗಿದೆ ಎಂಬುದನ್ನು ತೋರಿಸುತ್ತದೆ. ಒತ್ತಡ, ಅನಿಯಮಿತ ದಿನಚರಿ ಮತ್ತು ಕಳಪೆ ಆಹಾರ ಪದ್ಧತಿಗಳಿಂದಾಗಿ ಅಧಿಕ ರಕ್ತದೊತ್ತಡ ಹೊಂದಿರುವ ಕಿರಿಯ ರೋಗಿಗಳ ಸಂಖ್ಯೆಯು ಹೆಚ್ಚಾಗುತ್ತಿರುವುದನ್ನು ನಾವು ಗಮನಿಸಿದ್ದೇವೆ. ಇದು ಸಾಮಾನ್ಯವಾಗಿ ಲಕ್ಷಣರಹಿತವಾಗಿರುವುದರಿಂದ ಸಮಸ್ಯೆಗಳು ಬೆಳೆಯಲು ಆರಂಭಿಸಿದ ನಂತರವೇ ಅನೇಕ ರೋಗಿಗಳಿಗೆ ಇದರ ಬಗ್ಗೆ ತಿಳಿಯುತ್ತದೆ’’ ಎಂದರು.
“ಈ ಹಿನ್ನೆಲೆಯಲ್ಲಿ ಅಧಿಕ ರಕ್ತದೊತ್ತಡದ ತಡೆಗಟ್ಟುವಿಕೆ ಮತ್ತು ಆರಂಭಿಕ ಪತ್ತೆಯ ಮೇಲೆ ಗಮನಹರಿಸುವ ಅಗತ್ಯವಿದೆ. ನಿಯಮಿತವಾದ ಮೇಲ್ವಿಚಾರಣೆ, ಜೀವನಶೈಲಿ ಮಾರ್ಪಾಡು ಮತ್ತು ಸಕಾಲಿಕವಾದ ವೈದ್ಯಕೀಯ ಮಾರ್ಗದರ್ಶನವು ಪರಿಣಾಮಕಾರಿ ನಿರ್ವಹಣೆಯ ಅಡಿಪಾಯವಾಗಿ ಉಳಿದಿದೆ’’
