(ನ್ಯೂಸ್ ಕಡಬ) newskadaba.com ರೆಂಜಿಲಾಡಿ, ಆ. 16. ಇಲ್ಲಿನ ಸ್ಯಾಂಥೋಮ್ ವಿದ್ಯಾನಿಕೇತನ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಸ್ವಾತಂತ್ರ್ಯ ದಿನಾಚರಣೆಯನ್ನು ಆಚರಿಸಲಾಯಿತು. ಬೆಳಿಗ್ಗೆ 9.30ಕ್ಕೆ ಸರಿಯಾಗಿ ಧ್ವಜಾರೋಹಣವನ್ನು ಕಡಬ ನಿವೃತ್ತ ಸೈನಿಕರ ಸಂಘದ ಅಧ್ಯಕ್ಷರು ಹಾಗೂ ಶಾಲಾ ಕೋಶಾಧಿಕಾರಿ ಶ್ರೀ.ಕೆ ಸಿ ಸೈಮನ್ ನೆರವೇರಿಸಿದರು.
ಮುಂದಿನ ಭಾಗವಾಗಿ ಶಾಲಾ ಸ್ಕೌಟ್ ಮತ್ತು ಗೈಡ್ಸ್ ವಿದ್ಯಾರ್ಥಿಗಳು, ತುಳುನಾಡ ಮಾಜಿ ಸೈನಿಕರು, ಪೋಷಕರು ಹಾಗೂ ಊರವರ ಸಹಕಾರದೊಂದಿಗೆ ಆಕರ್ಷಕ ಶಿಸ್ತುಬದ್ಧ ಪಥಸಂಚಲನ ನಡೆಯಿತು. ಸ್ಕೌಟ್ ಗೈಡ್ಸ್ ವಿದ್ಯಾರ್ಥಿಗಳ ಶಂಖದಳ ಪಥಸಂಚಲನಕ್ಕೆ ವಿಶೇಷ ಮೆರುಗು ನೀಡಿತು. ಬಳಿಕ ಕಾರ್ಯಕ್ರಮದ ಸಭಾಧ್ಯಕ್ಷತೆಯನ್ನು ಶಾಲಾ ಸಂಚಾಲಕರು ಗೌರವಾನ್ವಿತ ವಂದನೀಯ ಫಾದರ್ ಪೌಲ್ ಜೇಕಬ್ ವಹಿಸಿದರು. ಕಾರ್ಯಕ್ರಮವು ಪ್ರಾರ್ಥನೆಯೊಂದಿಗೆ ಆರಂಭವಾಯಿತು.
ಮುಖ್ಯ ಅತಿಥಿಗಳಾಗಿ ಮಾಜಿ ಸೈನಿಕರು ಹಾಗೂ ನಮ್ಮ ಶಾಲಾ ಶೈಕ್ಷಣಿಕ ಸಲಹೆಗಾರಾದ ಶ್ರೀ.ಟಿ.ಜೆ ಮ್ಯಾಥ್ಯೂರವರು ಮಾತಾನಾಡಿ, ಉತ್ತಮ ರಾಜ್ಯವನ್ನು ಕಟ್ಟಿ ಉತ್ತಮ ರಾಷ್ಟ್ರವನ್ನು ನಿರ್ಮಾಣ ಮಾಡೋಣ ಎಂಬ ಸ್ಪೂರ್ತಿದಾಯಕ ಭಾಷಣವನ್ನು ಮಾಡಿದರು. ವಲಯದ ಸಂಪನ್ಮೂಲ ವ್ಯಕ್ತಿ ಶ್ರೀ. ಗಣೇಶ್ ನಡುವಾಳ್, ಶ್ರೀ.ಪಿ.ಪಿ ವರ್ಗೀಸ್ ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯರು, ಶ್ರೀ. ಇಮ್ಯಾನುವೆಲ್ ಪಿ.ಜೆ ನೂಜಿಬಾಳ್ತಿಲ ಗ್ರಾಮ ಪಂಚಾಯತ್ ಸದಸ್ಯರು, ಶ್ರೀ ಕೆ.ಜೆ ಥೋಮಸ್ ನೂಜಿಬಾಳ್ತಿಲ ಗ್ರಾಮ ಪಂಚಾಯತ್ ಮಾಜಿ ಸದಸ್ಯರು, ಶ್ರೀ. ಬಾಲಕೃಷ್ಣ ಬಳ್ಳೇರಿ ಅಧ್ಯಕ್ಷರು ಉಮಾಮಹೇಶ್ವರ ದೇವಸ್ಥಾನ ಉರುಂಬಾಲು, ಶ್ರೀ. ಯಶೋಧರ ಯಾನೆ ತಮ್ಮಯ್ಯ ಬಲ್ಲಾಳ್ ಮಾಜಿ ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷರು, ಶ್ರೀ. ಲಕ್ಷ್ಮಣ್ ಗೌಡ ಸಾಂತ್ಯಡ್ಕ ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷರು, ಶ್ರೀ. ಯೂಸುಫ್ ಹಾಜಿ ಅಧ್ಯಕ್ಷರು ಬದ್ರಿಯಾ ಜಮಾ ಮಸೀದಿ ಪೂಸೊಳಿಗೆ ರೆಂಜಿಲಾಡಿ, ಶ್ರೀ. ವಾಸುದೇವ ಬಾನಡ್ಕ ಜಿಲ್ಲಾ ಪಂಚಾಯತ್ ಸೈನಿಕ ಸಂಘದ ಗೌರವ ಅಧ್ಯಕ್ಷರು, ಶ್ರೀ ತಾರನಾಥ ಮಾಜಿ ಸೈನಿಕರು ಹಾಗೂ ಅಂತರಾಷ್ಟ್ರೀಯ ಕ್ರಿಕೆಟ್ ತೀರ್ಪುಗಾರರು, ಶ್ರೀ ಓ.ಜೆ.ನೈನಾನ್ ಉಪಾಧ್ಯಕ್ಷರು ತುಳುನಾಡ ಮಾಜಿ ಸೈನಿಕರ ಸಂಘ ಕಡಬ ಘಟಕ, ಶ್ರೀಮತಿ ಗೀತಾ ಜಿ.ಕೆ ವೀರನಾರಿ ಜಿಲ್ಲಾಧ್ಯಕ್ಷರು, ನಮ್ಮ ತುಳುನಾಡ ಮಾಜಿ ಸೈನಿಕರ ಸಂಘದ ಸರ್ವ ಸದಸ್ಯರು ಶಾಲಾ ಮುಖ್ಯ ಗುರುಗಳು ಶಿಕ್ಷಕ ಶಿಕ್ಷಕೇತರ ವರ್ಗ ಆಟೋರಿಕ್ಷಾ ಚಾಲಕ ಮಾಲಕರು, ಸೈಂಟ್ ಥೋಮಸ್ ಓರ್ಥೋಡಾಕ್ಸ್ ಚರ್ಚ್ ರಂಜಿಲಾಡಿ ಇದರ ಸದಸ್ಯರು, ಹಳೇ ವಿದ್ಯಾರ್ಥಿಗಳು ಆಡಳಿತ ಮಂಡಳಿ ಸದಸ್ಯರು ಉಪಸ್ಥಿತರಿದ್ದರು. ಸೈಂಟ್ ಥೋಮಸ್ ಓರ್ಥೋಡೋಕ್ಸ್ ಎಜುಕೇಶನಲ್ ಮತ್ತು ಚಾರಿಟೇಬಲ್ ಟ್ರಸ್ಟ್ ಇದರ ವತಿಯಿಂದ ಶಾಲಾ ಮಕ್ಕಳಿಗೆ ಬ್ಯಾಗ್ ವಿತರಿಸಲಾಯಿತು. ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ನಡೆಸಿದ ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಯಿತು. ಧನ್ಯವಾದ ಸಮರ್ಪಣೆಯೊಂದಿಗೆ ಸಭಾ ಕಾರ್ಯಕ್ರಮವು ಮುಕ್ತಾಯವಾಯಿತು.
ಅನಂತರ ಶಾಲಾ ವಿದ್ಯಾರ್ಥಿಗಳ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.
