(ನ್ಯೂಸ್ ಕಡಬ) newskadaba.com ಕಡಬ, ಜ. 22. ನೂತನ ಸಚಿವರಾಗಿ ನರೆಮಕಗೊಂಡ ಎಸ್.ಅಂಗಾರ ಅವರಿಗೆ ಅಭಿನಂದನಾ ಸಭೆಯು ಬೆಳಂದೂರು, ನೆಲ್ಯಾಡಿ ಹಾಗೂ ಕಡಬ ಬಿಜೆಪಿ ಶಕ್ತಿಕೇಂದ್ರಗಳ ವತಿಯಿಂದ ಜ.24ರಂದು ಸಾಯಂಕಾಲ 3.00 ಗಂಟೆಗೆ ಕಡಬ ಶ್ರೀ ದುರ್ಗಾಂಬಿಕಾ ಸಭಾ ಭವನದಲ್ಲಿ ನಡೆಯಲಿದೆ.
ಈ ಕುರಿತು ದ.ಕ ಜಿಲ್ಲಾ ಬಿಜೆಪಿ ಪ್ರಶಿಕ್ಷಣ ಪ್ರಕೋಷ್ಠ ಸಂಚಾಲಕ ಕೃಷ್ಣ ಶೆಟ್ಟಿ ಕಡಬ ಪತ್ರೀಕಾಗೋಷ್ಟಿಯಲ್ಲಿ ಮಾತನಾಡಿ, ಮೊದಲು ಕಡಬ ಎಪಿಎಂಸಿ ಪ್ರಾಂಗಣ ಬಳಿಯಿಂದ ಸಚಿವರನ್ನು ಮೆರವಣಿಗೆ ಮೂಲಕ ಶ್ರೀ ದುರ್ಗಾಂಬಿಕಾ ಸಭಾ ಭವನಕ್ಕೆ ಕರೆತಂದು ಅಭಿನಂದಿಸಲಾಗುವುದು, ಈ ಸಭೆಯಲ್ಲಿ ಬಿಜೆಪಿ ಜಿಲ್ಲಾಧ್ಯಕ್ಷ ಸುದರ್ಶನ ಮೂಡಬಿದ್ರೆ, ಪುತೂರು ಶಾಸಕ ಸಂಜೀವ ಮಠಂದೂರು ಸೇರಿದಂತೆ ಪ್ರಮುಖ ನಾಯಕರು ಭಾಗವಹಿಸಲಿದ್ದಾರೆ ಎಂದರು. ಈ ಸಂದರ್ಭ ಬಿಜೆಪಿ ಮುಖಂಡರಾದ ಸತೀಶ್ ನಾಯಕ್, ಸೀತಾರಾಮ ಗೌಡ ಪೊಸವಳಿಕೆ, ಗಿರೀಶ್ ಎ.ಪಿ ಮಧುಸೂದನ್ ಕೊಂಬಾರು, ಫಯಾಝ್ ಕೆನರಾ, ಪ್ರಕಾಶ್ ಎನ್ ಕೆ ಮೊದಲಾದವರು ಉಪಸ್ಥಿತರಿದ್ದರು.
