ಮಂಗಳೂರು, ಮಾ.24: ಮಾಹಮಾರಿ ಕೊರೋನ ಸೋಂಕು ದೇಶದ್ಯಾಂತ ತಲ್ಲಣ ಸೃಷ್ಟಿಸುತ್ತಿದ್ದು, ಮಂಗಳೂರಿನಲ್ಲಿ ಇಂದು ಒಂದೇ ದಿನ ನಾಲ್ವರಿಗೆ ಸೋಂಕು ದೃಢಪಟ್ಟಿದೆ ಎಂದು ದ.ಕ. ಜಿಲ್ಲಾಧಿಕಾರಿ ಸಿಂಧೂ ಬಿ.ರೂಪೇಶ್ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
ಸೋಂಕು ದೃಢಪಟ್ಟ ನಾಲ್ವರು ಕೇರಳದ ಕಾಸರಗೋಡು ಜಿಲ್ಲೆಯವರು ಎಂದು ತಿಳಿದು ಬಂದಿದೆ. ಈ ಪೈಕಿ ಮೂವರು ದುಬೈಯಿಂದ ಹಾಗೂ ಓರ್ವ ಸೌದಿಯಿಂದ ಬಂದಿದ್ದಾರೆ. ಮಾರ್ಚ್ 20ರಂದು ಮುಂಜಾನೆ 5:30ಕ್ಕೆ ಸ್ಪೈಸ್ ಜೆಟ್ ಮೂಲಕ ಮೂವರು ದುಬೈಯಿಂದ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದ್ದರು. ಮೊನ್ನೆ ಕೊರೋನ ಸೋಂಕು ದೃಢಪಟ್ಟ ಭಟ್ಕಳದ ವ್ಯಕ್ತಿಯ ಜೊತೆ ಬಂದಿದ್ದರೆನ್ನಲಾಗಿದೆ. ಓರ್ವ ಸೌದಿಯಿಂದ ಮಂಗಳೂರಿಗೆ ಬಂದಿದ್ದಾರೆ.
ಇದರೊಂದಿಗೆ ದ.ಕ. ಜಿಲ್ಲೆಯಲ್ಲಿ ಒಟ್ಟು ಐವರಿಗೆ ಸೋಂಕು ದೃಢಪಟ್ಟಿದೆ.
