(ನ್ಯೂಸ್ ಕಡಬ) newskadaba.com, ಸೆ.01: ಮಂಗಳೂರು ಬಂದರಿನಿಂದ ಮೊಹಮ್ಮದ್ ಫೈಜಲ್ ಅವರ ಆಳ ಸಮುದ್ರ ದೋಣಿಯಲ್ಲಿ ಮೀನುಗಾರಿಕೆಗೆ ತೆರಳಿದ್ದ 19 ವರ್ಷದ ಯುವಕ ಸಮುದ್ರಕ್ಕೆ ಬಿದ್ದು ನಾಪತ್ತೆಯಾಗಿದ್ದಾರೆ.
ಆಗಸ್ಟ್ 23 ರಂದು 12 ಜನರಿದ್ದ ದೋಣಿ ಸಮುದ್ರಕ್ಕೆ ತೆರಳಿತ್ತು. ಆಗಸ್ಟ್ 25 ರಂದು ಬೆಳಿಗ್ಗೆ 5 ಗಂಟೆ ಸುಮಾರಿಗೆ ದೋಣಿಯ ಅಂಚಿನಲ್ಲಿ , ಪ್ರಬಲ ಅಲೆಯ ಹೊಡೆತಕ್ಕೆ ಸಿಲುಕಿ ನೀರಿಗೆ ಬಿದ್ದಿದ್ದಾರೆ.
ಸಹ-ಮೀನುಗಾರರು ಹಾಗೂ ಹತ್ತಿರದ ದೋಣಿಗಳ ಸಹಾಯದಿಂದ ಬಲೆ ಬೀಸಿ ಹುಡುಕಾಟ ನಡೆಸಿದರೂ ಕಾಣೆಯಾದ ಯುವಕನ ತಂದೆ ನೀಡಿದ ದೂರಿನನ್ವಯ ಪಾಂಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
