(ನ್ಯೂಸ್ ಕಡಬ) newskadaba.com ನ. 06. 2024-25ನೇ ಸಾಲಿನ ಬೆಳೆ ಸಮೀಕ್ಷೆ ಕಾರ್ಯವು ಅಕ್ಟೋಬರ್-16 ರಿಂದ ಆರಂಭಗೊಂಡಿದ್ದು, ಮುಂಗಾರು ಹಂಗಾಮಿನಲ್ಲಿ ಮಂಗಳೂರು ತಾಲೂಕಿನಾದ್ಯಂತ ಕಡಿಮೆ ಪ್ರಗತಿ ಸಾಧನೆಯಾಗಿದೆ.
ಮಂಗಳೂರು ತಾಲೂಕು- ಬೆಳೆಸಮೀಕ್ಷೆ ಮಾಡಬೇಕಾಗಿರುವ ಸರ್ವೆ ನಂಬರ್‍ಗಳ ಸಂಖ್ಯೆ 40,537, ಪ್ರಗತಿ ಸಾಧಿಸಿರುವ ಸಂಖ್ಯೆ – 28,918, ಶೇಕಡಾ ಪ್ರಗತಿ – 72.50,
ಮುಲ್ಕಿ ತಾಲೂಕು- ಬೆಳೆಸಮೀಕ್ಷೆ ಮಾಡಬೇಕಾಗಿರುವ ಸರ್ವೆ ನಂಬರ್‍ಗಳ ಸಂಖ್ಯೆ 12,818, ಪ್ರಗತಿ ಸಾಧಿಸಿರುವ ಸಂಖ್ಯೆ-9,419, ಶೇಕಡಾ ಪ್ರಗತಿ-73.72,
ಮೂಡಬಿದ್ರೆ ತಾಲೂಕು- ಬೆಳೆಸಮೀಕ್ಷೆ ಮಾಡಬೇಕಾಗಿರುವ ಸರ್ವೆ ನಂಬರ್‍ಗಳ ಸಂಖ್ಯೆ – 34,511, ಪ್ರಗತಿ ಸಾಧಿಸಿರುವ ಸಂಖ್ಯೆ-33,408, ಶೇಕಡಾ ಪ್ರಗತಿ- 97.71,
ಉಳ್ಳಾಲ ತಾಲೂಕು- ಬೆಳೆಸಮೀಕ್ಷೆ ಮಾಡಬೇಕಾಗಿರುವ ಸರ್ವೆ ನಂಬರ್‍ಗಳ ಸಂಖ್ಯೆ – 26,248, ಪ್ರಗತಿ ಸಾಧಿಸಿರುವ ಸಂಖ್ಯೆ -13,409, ಶೇಕಡಾ ಪ್ರಗತಿ 51.99
ಬೆಳೆಸಮೀಕ್ಷೆ ಕಾರ್ಯವು ಈಗ ಖಾಸಗಿ ನಿವಾಸಿಗಳಿಗೆ ಮಾತ್ರ ತೆರೆದಿದ್ದು, ಅವರಿಂದ ಸಮೀಕ್ಷೆ ಮಾಡಿಸಬೇಕಾಗಿರುತ್ತದೆ. ಈ ಸಮೀಕ್ಷೆ ಕಾರ್ಯವು ಕೇವಲ ಇನ್ನು 3 ದಿವಸ ಮಾತ್ರ ಇರುವುದರಿಂದ ರೈತರು ಅಗತ್ಯವಾಗಿ ತಮ್ಮ ಗ್ರಾಮ ಪಂಚಾಯತಿಯ ಗ್ರಾಮ ಆಡಳಿತ ಅಧಿಕಾರಿಯವರಲ್ಲಿ ಅಥವಾ ಖಾಸಗಿ ನಿವಾಸಿಗಳನ್ನು ಸಂಪರ್ಕಿಸಿ ತಮ್ಮ ಜಾಗದ ಬೆಳೆ ಸಮೀಕ್ಷೆ ಪೂರ್ಣಗೊಳಿಸಬೇಕಾಗಿ ಕೋರಲಾಗಿದೆ. 2025-26ನೇ ಸಾಲಿನ ಹವಾಮಾನ ಆಧಾರಿತ ಅಡಿಕೆ ಮತ್ತು ಕಾಳು ಮೆಣಸುಬೆಳೆಗೆ ಬೆಳೆವಿಮೆ ನೊಂದಣಿ ಮಾಡಲು ರೈತರಿಗೆ ಬೆಳೆಸಮೀಕ್ಷೆ ಅಗತ್ಯವಿದೆ. ಜೊತೆಗೆ 2024-25ನೇ ಸಾಲಿನ ಬೆಳೆವಿಮೆ ಪರಿಹಾರ ಮೊತ್ತ ಪಾವತಿ ಪ್ರಕ್ರಿಯೆ ಕೂಡ ಈ ಸಾಲಿನ ಬೆಳೆಸಮೀಕ್ಷೆ ದತ್ತಾಂಶ ಆಧಾರದ ಮೇಲೆ ನಡೆಯುತ್ತದೆ.
ಪ್ರಕೃತಿ ವಿಕೋಪಗಳ ಪರಿಹಾರ ವಿತರಣೆ, ಬೆಂಬಲ ಬೆಲೆ ಯೋಜನೆಯ ಅರ್ಹ ಫಲಾನುಭವಿಗಳ ಗುರುತಿಸುವಿಕೆ, ಬೆಳೆ ವಿಮೆ ಯೋಜನೆ ಅನುಷ್ಠಾನ, ಋತುಮಾನವಾರು ವಿವಿಧ ಬೆಳೆಗಳ ವಿಸ್ತೀರ್ಣ ವರದಿ ಕಾರ್ಯ, ಬೆಳೆ ಕಟಾವು ಪ್ರಯೋಗ ಅನುಷ್ಠಾನ, ಕೃಷಿ/ತೋಟಗಾರಿಕೆ ಇಲಾಖೆಗಳ ಫಲಾನುಭವಿಯಾಧಾರಿತ ಯೋಜನೆಗಳ ಅನುಷ್ಠಾನ ಹಾಗೂ ಪಹಣಿಯಲ್ಲಿ ಬೆಳೆ ವಿವರ ದಾಖಲಿಸಲು ಬೆಳೆ ಸಮಿಕ್ಷೆ ಮಾಹಿತಿ ಬಳಸಲಾಗುವುದು ಎಂದು ಸಹಾಯಕ ಕೃಷಿ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
