(ನ್ಯೂಸ್ಕಡಬ) newskadaba.com.ವಾಷಿಂಗ್ಟನ್ ಮೇ.1. ಅಮೆರಿಕಾದ ಮಿಚಿಗನ್‌ ನಲ್ಲಿ ಬಸ್‌ ಚಲಿಸುತ್ತಿರುವ ಸಂದರ್ಭದಲ್ಲಿ ಏಕಾಏಕಿ ಚಾಲಕ ಪ್ರಜ್ಞಾಹೀನನಾಗಿದ್ದು, ಈ ಸಂದರ್ಭದಲ್ಲಿ 7ನೇ ತರಗತಿ ವಿದ್ಯಾರ್ಥಿಯೊಬ್ಬ ತಕ್ಷಣವೇ ಬಸ್‌ ಅನ್ನು ನಿಲ್ಲಿಸಿದ ಪರಿಣಾಮ ತನ್ನ ಸಹಪಾಠಿಗಳ ಪ್ರಾಣ ಉಳಿದಿದೆ.
ವಾರೆನ್‌ ಕನ್ಸಾಲಿಡೇಟೆಡ್‌ ಶಾಲೆ ಬಿಡುಗಡೆ ಮಾಡಿದ ವಿಡಿಯೋದಲ್ಲಿ ಬಸ್‌ ಚಲಾಯಿಸುತ್ತಿದ್ದ ಚಾಲಕ ಅಸ್ವಸ್ಥಗೊಂಡಿದ್ದು, ಆ ಸಂದರ್ಭದಲ್ಲಿ ವಿದ್ಯಾರ್ಥಿ ದಿಲ್ಲೊನ್‌ ರೀವ್ಸ್‌ ಚಾಲಕನ ಬಳಿ ಬಂದಿರುವ ದೃಶ್ಯ ಸೆರೆಯಾಗಿದೆ. ಬಸ್‌ ನಲ್ಲಿ ಸುಮಾರು 66 ಪ್ರಯಾಣಿಕರಿದ್ದು ಎಲ್ಲರೂ ಸುರಕ್ಷಿತರಾಗಿದ್ದಾರೆ ಎನ್ನಲಾಗಿದೆ.
