(ನ್ಯೂಸ್ ಕಡಬ)Newskadaba.com ಮಾ.31 ವಿಚಿತ್ರ ಘಟನೆಯೊಂದರಲ್ಲಿ ಯುನೈಟೆಡ್ ಏರ್‌ಲೈನ್ಸ್ ಪ್ರಯಾಣಿಕನೊಬ್ಬ ತಂದಿದ್ದ ಲಗೇಜ್‌ನಲ್ಲಿ ಪ್ಯಾಕ್ ಮಾಡಲಾಗಿದ್ದ ವಿಸ್ಕಿಯ ಬಾಟಲಿ ಓಪನ್ ಆಗಿರುವುದಾಗಿ ದೂರು ದಾಖಲಿಸಿದ್ದಾನೆ. ಮಾತ್ರವಲ್ಲದೇ ಮುಕ್ಕಾಲು ಪಾಲು ವಿಸ್ಕಿ ಕೂಡ ಖಾಲಿಯಾಗಿರುವುದಾಗಿ ಹೇಳಿದ್ದಾನೆ.
ಟ್ವಿಟರ್‌ನಲ್ಲಿ ಕ್ರಿಸ್ಟೋಫರ್ ಆಂಬ್ಲರ್ ಗ್ಲೆನ್‌ಮೊರಂಗಿ ಎಂಬಾತ ಈ ವಿಷಯ ತಿಳಿಸಿದ್ದಾನೆ. ಶೇರ್ ಮಾಡಿರುವ ಚಿತ್ರದಲ್ಲಿ, ಸೀಲ್ ತೆರೆದಿರುವುದನ್ನು ನೀವು ಸ್ಪಷ್ಟವಾಗಿ ನೋಡಬಹುದು. ಇದನ್ನು ಪ್ಯಾಕ್ ಮಾಡಿದಾಗ ಹೊಸದಾಗಿ ಮೊಹರು ಮಾಡಲಾಗಿತ್ತು. ಆದರೆ ಈಗ ಸೀಲ್ ತೆರೆಯಲಾಗಿದೆ ಎಂದಿದ್ದಾನೆ. ಇದಕ್ಕೆ 45 ಸಾವಿರ ರೂಪಾಯಿ ಬೆಲೆ ತೆತ್ತಿದ್ದು, ಅದೀಗ ಖಾಲಿಯಾಗಿದೆ ಎಂದಿದ್ದಾನೆ.
