(ನ್ಯೂಸ್ಕಡಬ)Newskadaba.com ಕೇರಳ:ಮಾ.29 ಕೇರಳದ ಪತ್ತನಂತಿಟ್ಟದ ಜೆಸ್ಸಿ ಸಾಬು ಎಂಬುವರು ಬೇಸಿಗೆ ಬಂದರೆ ಸಾಕು ನೀರಿಗಾಗಿ ಪರದಾಡುತ್ತಿದ್ದರು.ಮಳೆಗಾಲದಲ್ಲಾದರೂ, ಮಳೆ ನೀರನ್ನು ಸಂಗ್ರಹಿಸಿ ಕುಡಿಯುತ್ತಿದ್ದರು. ಆದರೆ ಬೇಸಿಗೆ ಕಾಲದಲ್ಲಿ ಕುಡಿಯೋಕೆ ಒಂದು ಹನಿ ನೀರಿಲ್ಲದೆ ಕಳೆದ ಮೂರು ದಶಕಗಳಿಂದ ಸಂಕಷ್ಟ ಪಡುತ್ತಿದ್ರು.
ಇಷ್ಟೆಲ್ಲಾ ಸಂಕಷ್ಟಗಳ ಮಧ್ಯೆಯೂ ಬದುಕಿ ಸಾಧಿಸಿ ತೋರಿಸುವ ಛಲ ಹೊಂದಿದ್ದ ಜೆಸ್ಸಿ ಸಾಬು ಅವರು ಬೇಸಿಗೆ ಕಾಲದಲ್ಲಿ ನೀರಿಗಾಗಿ ಪರದಾಡುವ ಸಮಸ್ಯೆಗೆ ಏನಾದ್ರೂ ಪರಿಹಾರ ಕಂಡ್ಕೊಳ್ಳಲೇಬೇಕು ಅಂತಾ ಕನಸು ಕಂಡಿದ್ರು.ಜೆಸ್ಸಿ ಸಾಬುಗೆ ಅವರ ಸ್ನೇಹಿತೆಯರು ಅವರ ಮನೆ ಮುಂದೆಯೇ ಒಂದು ಬಾವಿಯನ್ನು ತೋಡಿ ಕೊಟ್ಟರು. ಈ ಅಪರೂಪದ ಸಾಧನೆ ಈಗ ಎಲ್ಲೆಡೆ ಸುದ್ಧಿಯಾಗಿದೆ.
