(ನ್ಯೂಸ್ ಕಡಬ) newskadaba.com ಬೆಂಗಳೂರು, ಫೆ.10. ರೈಲ್ವೆ ಇಲಾಖೆ ವಂದೇ ಮೆಟ್ರೋ ಓಡಿಸಲು ಸಜ್ಜಾಗಿದೆ. 2023ರಲ್ಲೇ ವಂದೇ ಮೆಟ್ರೋ ಓಡಿಸಲು ತಯಾರಿ ನಡೆದಿದೆ. ಇದು ಜನರಿಗೆ ಶುಭ ಸುದ್ದಿಯಾಗಿದ್ದು, ವಂದೇ ಭಾರತ್ ಮಾದರಿಯಲ್ಲಿ ಓಡುತ್ತೆ ವಂದೇ ಮೆಟ್ರೋ ಎಂದು ವರದಿಯಾಗಿದೆ.
ವಂದೇ ಮೆಟ್ರೋ ಬೆಂಗಳೂರಿನ 100 ಕಿ.ಮೀ. ವ್ಯಾಪ್ತಿಯಲ್ಲಿ ಓಡಲಿದೆ. ಎರಡು ವಿಭಿನ್ನ ನಗರಗಳನ್ನು ಸಂಪರ್ಕಿಸುವ ಹೊಸ ಯೋಜನೆಯಾಗಿದೆ. ಪ್ರಧಾನಿ ಮುತುವರ್ಜಿಯಿಂದ ವಂದೇ ಮೆಟ್ರೋ ಆರಂಭವಾಗಲಿದೆ.
ಬೆಂಗಳೂರು-ತುಮಕೂರು, ಬೆಂಗಳೂರು-ಹಿಂದೂಪುರ ನಡುವೆ ಸಂಚಾರ ನಡೆಸಲಿದೆ. ನೈಋತ್ಯ ರೈಲ್ವೆಯ ಜನರಲ್ ಮ್ಯಾನೇಜರ್ ಸಂಜೀವ್ ಕಿಶೋರ್ ಮಾಹಿತಿ ನೀಡಿದ್ದಾರೆ.
