(ನ್ಯೂಸ್ ಕಡಬ) newskadaba.com ನವದೆಹಲಿ, ನ. 27. ರೂಪಾಂತರಿ ವೈರಸ್ ಭೀತಿಯಿಂದಾಗಿ ಭಾರತ ಸರಕಾರವು ತನ್ನ ಅಂತರ್ರಾಷ್ಟ್ರೀಯ ವಿಮಾನಯಾನ ನಿಷೇಧವನ್ನು ಡಿಸೆಂಬರ್ 15ರ ವರೆಗೆ ವಿಸ್ತರಿಸಿದೆ.
ಸರಕಾರದ ಈ ನಿರ್ಧಾರದಿಂದಾಗಿ ಡಿಸೆಂಬರ್ 1 ರ ನಂತರ ನೇರವಾಗಿ ಸೌದಿ ಅರೇಬಿಯಾಕ್ಕೆ ಪ್ರಯಾಣಿಸಲು ಉದ್ದೇಶಿಸಿದ ಅನಿವಾಸಿ ಭಾರತೀಯ ನಾಗರೀಕರಿಗೆ ನಿರಾಶೆಯುಂಟಾಗಿದೆ. ಸೌದಿ ಸರಕಾರ ಭಾರತೀಯರಿಗೆ ನೇರ ಪ್ರಯಾಣಕ್ಕೆ ಅನುಮತಿ ನೀಡಿದರೂ ಭಾರತ ಸರಕಾರದ ನಿರ್ಧಾರದಿಂದಾಗಿ ಸೌದಿಗೆ ಪ್ರಯಾಣಿಸಲಿರುವ ಅನಿವಾಸಿ ಭಾರತೀಯರು ಮತ್ತೊಮ್ಮೆ ಚಾರ್ಟರ್ಡ್ ವಿಮಾನವನ್ನು ಅವಲಂಬಿಸುವಂತಾಗಿದೆ.
