(ನ್ಯೂಸ್‌ ಕಡಬ) newskadaba.com,ಫೆ.24: ಮಂಗಳೂರಿನ ಸಾರಿಗೆ ಇತಿಹಾಸದಲ್ಲಿ ಹೊಸ ಕ್ರಾಂತಿ ಆರಂಭವಾಗುತ್ತಿದ್ದು, ನಗರದ ಮೊದಲ ಖಾಸಗಿ ಎಲೆಕ್ಟ್ರಿಕ್ ಬಸ್ ಮಾರ್ಗ ಸಂಖ್ಯೆ 27ರಲ್ಲಿ ಸಂಚರಿಸಲು ಸಜ್ಜಾಗಿದೆ. 1914ರಲ್ಲಿ ದೇಶದ ಮೊದಲ ಖಾಸಗಿ ಬಸ್ ಸೇವೆಗೆ ನಾಂದಿ ಹಾಡಿದ್ದ ಮಂಗಳೂರು, ಈಗ ಇ-ಬಸ್ ಮೂಲಕ ಪರಿಸರ ಸ್ನೇಹಿ ಸಾರಿಗೆಗೆ ಮಾದರಿಯಾಗುತ್ತಿದೆ.
* ಬಸ್ ವಿವರ: 9 ಮೀಟರ್ ಉದ್ದ, 32–41 ಆಸನಗಳ ಸಾಮರ್ಥ್ಯದ ಹವಾನಿಯಂತ್ರಿತ (AC) ಬಸ್.ಒಮ್ಮೆ ಚಾರ್ಜ್ ಮಾಡಿದರೆ 200 ಕಿ.ಮೀ ಸಂಚಾರ, ಕೇವಲ 2 ಗಂಟೆಯಲ್ಲಿ ಪೂರ್ಣ ರೀಚಾರ್ಜ್.ಕೇಂದ್ರದ 100 ಇ-ಬಸ್‌ಗಳು ಬರುವ ಮೊದಲೇ ಖಾಸಗಿ ವಲಯದಿಂದ ಈ ಸೇವೆ ಆರಂಭವಾಗುತ್ತಿದೆ.
ಪುಣೆಯಲ್ಲಿ ವಿನ್ಯಾಸಗೊಂಡಿರುವ ಈ ಬಸ್, ಮುಂದಿನ ಒಂದು ತಿಂಗಳೊಳಗೆ ಕಾರ್ಯಾಚರಣೆ ಆರಂಭಿಸುವ ನಿರೀಕ್ಷೆಯಿದೆ
