(ನ್ಯೂಸ್ ಕಡಬ) newskadaba.com ಸುಳ್ಯ, ಎ.22. ತಾಲೂಕಿನ ಕಲ್ಲುಗುಂಡಿ ಕೂಲಿಶೆಡ್ ಬಳಿಯ ಬಸ್ ನಿಲ್ದಾಣದಲ್ಲಿ ಶನಿವಾರ ರಾತ್ರಿ ಅನಾಥ ವೃದ್ಧರೋರ್ವರು ಮೃತಪಟ್ಟಿದ್ದು, ಭಾನುವಾರದಂದು ಗೂನಡ್ಕದ ಎಸ್ಕೆಎಸ್ಸೆಸ್ಸೆಫ್ ಎಮರ್ಜೆನ್ಸಿ ಟೀಮ್ ಸದಸ್ಯರು ಮೃತದೇಹದ ದಫನ ಕಾರ್ಯ ನಡೆಸಿದರು.
ಕಲ್ಲುಗುಂಡಿಯ ಬಸ್ ನಿಲ್ದಾಣದಲ್ಲಿ ಅನಾಥ ವೃದ್ಧರೋರ್ವರ ಮೃತದೇಹವಿದ್ದು, ವಿಲೇವಾರಿಗೆ ಸಹಕರಿಸಬೇಕೆಂಬ ಕಲ್ಲುಗುಂಡಿ ಪೊಲೀಸ್ ಠಾಣೆ ಸಿಬ್ಬಂದಿಯ ಕರೆಯ ಮೇರೆಗೆ ಸ್ಥಳಕ್ಕೆ ತೆರಳಿದ ಎಸ್ಕೆಎಸ್ಸೆಸ್ಸೆಫ್ ಸುಳ್ಯ ವಲಯ ವಿಖಾಯ ಕಾರ್ಯದರ್ಶಿ, ಎಸ್ಕೆಎಸ್ಸೆಸ್ಸೆಫ್ ಎಮರ್ಜೆನ್ಸಿ ತಂಡದ ನಿರ್ವಾಹಕ, ನವಶಕ್ತಿ ಕರ್ನಾಟಕ ಇದರ ಜಿಲ್ಲಾಧ್ಯಕ್ಷರಾದ ತಾಜುದ್ದೀನ್ ಟರ್ಲಿ ನೇತೃತ್ವದಲ್ಲಿ ಎಸ್ಕೆಎಸ್ಸೆಸ್ಸೆಫ್ ಎಮರ್ಜೆನ್ಸಿ ತಂಡದ ಸದಸ್ಯರು ಮೃತದೇಹವನ್ನು ದಫನ ಮಾಡಲು ಸಹಕರಿಸಿದರು.
