ಕರಾವಳಿ

(ನ್ಯೂಸ್ ಕಡಬ)newskadaba.com ಉಡುಪಿ, ಆ.07.  ಮಣಿಪಾಲದಲ್ಲಿ ಆರ್ಬಿ ಜಲಪಾತವು ಮಳೆಗಾಲದಲ್ಲಿ ಚಿಮ್ಮಿ, ಉಕ್ಕಿ ಹರಿದು ಅತ್ಯದ್ಭುತ ಪ್ರಾಕೃತಿಕ ದೃಶ್ಯವಾಗಿ ಮಾರ್ಪಾಡಾಗಿದ್ದು, ಜುಲೈನಲ್ಲಿ ಸುರಿದ ಭಾರಿ ಮಳೆಗೆ ಸಾವಿರಾರು ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತಿದೆ. ದಟ್ಟವಾದ ಕಾಡಿನ ನಡುವೆ ಇರುವ ಈ ಅರ್ಬಿ ಜಲಪಾತವು ಬಂಡೆಗಳ ಮೇಲಿನ ನಿರಂತರ ಹರಿವಿನಲ್ಲಿ ಕೆಳಕ್ಕೆ ಬೀಳುವ ಮೂಲಕ ಅದ್ಬುತ ನೋಟದಲ್ಲಿ ಮನಸೂರೆಗೊಳಿಸುತ್ತದೆ. ಜಲಪಾತವು ಹಲವಾರು ಶುದ್ಧ ನೀರಿನ ಕ್ಯಾಸ್ಕೇಡ್‌ಗಳ ಮೂಲಕ ಹರಿಯುವ ದೃಶ್ಯವು ಪ್ರವಾಸಿಗರಿಗೆ ಸಂತೋಷವನ್ನು ನೀಡುತ್ತದೆ, ಇದು ಪ್ರಕೃತಿಯ ಪ್ರಿಯರಿಗೆ ಮನಸೂರೆಗೊಳಿಸುತ್ತದೆ.

(ನ್ಯೂಸ್ ಕಡಬ)newskadaba.com ಉಡುಪಿ, ಆ.07.  ಬೀದಿನಾಯಿಯಿಂದ ಗಾಯಗೊಂಡಿದ್ದ ಹೆಣ್ಣು ನವಿಲನ್ನು ಸಾಮಾಜಿಕ ಕಾರ್ಯಕರ್ತ ನಿತ್ಯಾನಂದ್ ವೊಲಕಾಡ್ ಅವರು ರಕ್ಷಿಸಿದ ಘಟನೆ ಉಡುಪಿಯ ಭಹ್ಮಗಿರಿಯಲ್ಲಿ ನಡೆದಿದೆ. ಬೀದಿ ನಾಯಿಯೊಂದು ನವಿಲಿನ ಮೇಲೆ ದಾಳಿ ಮಾಡಿದ್ದು, ಹಾರಲು ಸಾಧ್ಯವಾಗದೆ ಗಾಯಗೊಂಡು ಅಸಹಾಯಕ ಸ್ಥಿತಿಯಲ್ಲಿದೆ.ನವಿಲು ಕೆಸರಿನಲ್ಲಿ ಒದ್ದಾಡುತ್ತಿರುವುದನ್ನು ಗಮನಿಸಿದ ಸ್ಥಳೀಯರು ನಿತ್ಯನಾಡು ವೊಳಕಾಡುಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ನವಿಲನ್ನು ತನ್ನ ರಕ್ಷಣೆಗೆ ತೆಗೆದುಕೊಂಡು ಅರಣ್ಯ ಇಲಾಖೆಗೆ ಒಪ್ಪಿಸಿದ್ದಾರೆ. ಗಾಯಗೊಂಡ ಹಕ್ಕಿಗೆ ವೈದ್ಯಕೀಯ ಚಿಕಿತ್ಸೆ ನೀಡುವುದಾಗಿ ಅರಣ್ಯ ಇಲಾಖೆ ಘೋಷಿಸಿದೆ.