(ನ್ಯೂಸ್ ಕಡಬ) newskadaba.com ಮಂಗಳೂರು, ಮಾ.10. ನಾಳೆ (ಮಾರ್ಚ್ 11) ಎರಡನೇ ಸುತ್ತಿನಲ್ಲಿ ಜಿಲ್ಲೆಯಾದ್ಯಂತ ಪಲ್ಸ್ ಪೋಲಿಯೋ ಕಾರ್ಯಕ್ರಮ ನಡೆಯಲಿದ್ದು, ತಾಲೂಕುವಾರು ಬೂತುಗಳ ಸಂಖ್ಯೆ ಹಾಗೂ ಮಕ್ಕಳ ಸಂಖ್ಯೆ ಈ ಕೆಳಗಿನಂತಿದೆ.
ಬಂಟ್ವಾಳ ತಾಲೂಕು – 190 ಬೂತ್‍ಗಳು, 31562 ಮಕ್ಕಳು, ಬೆಳ್ತಂಗಡಿ ತಾಲೂಕು – 164 ಬೂತ್‍ಗಳು, 21814 ಮಕ್ಕಳು, ಮಂಗಳೂರು ತಾಲೂಕು – 351 ಬೂತ್‍ಗಳು, 73,647 ಮಕ್ಕಳು, ಪುತ್ತೂರು ತಾಲೂಕು – 145 ಬೂತ್‍ಗಳು, 21138 ಮಕ್ಕಳು,
ಸುಳ್ಯ ತಾಲೂಕು-75 ಬೂತ್‍ಗಳು, 10856 ಮಕ್ಕಳು,
ಒಟ್ಟು ಬೂತುಗಳ ಸಂಖ್ಯೆ -925, ಒಟ್ಟು ಮೊಬೈಲ್ ಬೂತುಗಳ ಸಂಖ್ಯೆ – 9 (ಮಂಗಳೂರು (ಗ್ರಾ) 2, ಮಹಾನಗರ ಪಾಲಿಕೆ 4, ಪುತ್ತೂರು ನಗರ 1, ಸುಳ್ಯ 2).
ಒಟ್ಟು ಟ್ರಾನ್ಸಿಟ್ ತಂಡ -26 (ಬಸ್‍ಸ್ಟಾಂಡ್, ರೈಲ್ವೇ ಸ್ಟೇಷನ್, ವಿಮಾನ ನಿಲ್ದಾಣಗಳಂತಹ ಸ್ಥಳಗಳಲ್ಲಿ) ಜಿಲ್ಲೆಯಾದ್ಯಂತ ನಿರ್ಮಾಣ ಮಾಡಲಾಗಿದೆ. ಹಿಂದಿನ ವರ್ಷಗಳ ಪಲ್ಸ್ ಪೋಲಿಯೋ ಕಾರ್ಯಕ್ರಮದ ವರದಿಯನ್ನು ಪರಾಮರ್ಶಿಸಿ ಈ ವರ್ಷ ಸದ್ರಿ ಕಾರ್ಯಕ್ರಮಕ್ಕೆ ಮೊಬೈಲ್ ಮತ್ತು ಟ್ರಾನ್ಸಿಟ್ ತಂಡಗಳ ಒಟ್ಟು ಮಕ್ಕಳ ಅಂದಾಜು ಪಟ್ಟಿ ತಯಾರಿಸಿದ್ದು, ದಕ್ಷಿಣ ಕನ್ನಡ ಜಿಲ್ಲೆಯ 0-5 ವರ್ಷದ ಮಕ್ಕಳ ಸಂಖ್ಯೆ 1,59,017 ಮತ್ತು ಮೊಬೈಲ್/ಟ್ರಾನ್ಸಿಟ್ ತಂಡಗಳ ಅಂದಾಜು ಮಕ್ಕಳ ಸಂಖ್ಯೆ 8087.
ಮಾರ್ಚ್ 11 ರಂದು ಬೆಳಿಗ್ಗೆ 8 ರಿಂದ 5 ಗಂಟೆವರೆಗೂ ಎರಡನೇ ಸುತ್ತಿನ ಪಲ್ಸ್ ಪೋಲಿಯೋ ಕಾರ್ಯಕ್ರಮ ನಡೆಯಲಿದ್ದು, 0-5 ವರ್ಷದೊಳಗಿನ ಎಲ್ಲಾ ಮಕ್ಕಳಿಗೆ 2 ಹನಿ ಪೋಲಿಯೋ ಹನಿ ಹಾಕಿಸಿ ಜೀವನ ಪೂರ್ತಿ ಪೋಲಿಯೋ ವಿರುದ್ಧ ವಿಜಯ ಸಾಧಿಸುವುದನ್ನು ಮುಂದುವರಿಸೋಣ. ಭಾರತ ಪೋಲಿಯೋ ಮುಕ್ತ ದೇಶವಾದರೂ, ಪಾಕಿಸ್ತಾನ, ಆಫ್ಘಾನಿಸ್ತಾನ ಮತ್ತು ನೈಜೀರಿಯಾ ಈ ಮೂರು ದೇಶಗಳಲ್ಲಿ ಮಾತ್ರ ಪೋಲಿಯೋ ಪ್ರಕರಣಗಳು ಇನ್ನೂ ಪತ್ತೆಯಾಗುತ್ತಿದ್ದು, ಜನರು ಭಾರತ ದೇಶದಿಂದ ಸದ್ರಿ ದೇಶಗಳಿಗೆ ಹಾಗೂ ಆ ದೇಶಗಳಿಂದ ಭಾರತ ದೇಶಕ್ಕೆ ಪ್ರಯಾಣ ಬೆಳೆಸುತ್ತಿರುವುದರಿಂದ ಪೋಲಿಯೋ ರೋಗ ಹರಡುವ ಸಾಧ್ಯತೆಗಳಿರುವುದರಿಂದ ಮತ್ತೇ ಮತ್ತೇ ಪೋಲಿಯೋ ಹನಿಗಳನ್ನು ತಪ್ಪದೇ ತಮ್ಮ ಮಕ್ಕಳಿಗೆ (0-5) ಹಾಕಿಸುವುದನ್ನು ಮರೆಯದಿರಿ. ಬಿಸಿಲಿನ ತಾಪ ಜಾಸ್ತಿಯಿರುವುದರಿಂದ ಎಲ್ಲಾ ಪೋಷಕರು ತಮ್ಮ ಮುದ್ದು ಕಂದಮ್ಮಗಳಿಗೆ ಬೆಳಿಗ್ಗೆ ಬೇಗನೆ ಬಂದು ಪೋಲಿಯೋ ಹನಿಗಳನ್ನು ಹಾಕಿಸಿಕೊಳ್ಳಬೇಕಾಗಿ ಜಿಲ್ಲಾ ಆರ್.ಸಿ.ಹೆಚ್ ಅಧಿಕಾರಿ, ದ.ಕ ಮಂಗಳೂರು ಇವರು ಪ್ರಕಟಣೆಯಲ್ಲಿ ಎಲ್ಲಾ ಪೋಷಕರಲ್ಲಿ ವಿನಂತಿಸಿದ್ದಾರೆ.
