(ನ್ಯೂಸ್ ಕಡಬ) newskadaba.com ಕಡಬ, ಜೂ.06. ದಕ್ಷಿಣ ಕನ್ನಡ ಜಿಲ್ಲಾ ಗೃಹರಕ್ಷಕ ದಳದ ಕಮಾಂಡೆಂಟ್ ಡಾ|| ಮುರಳಿ ಮೋಹನ್ ಚೂಂತಾರು ಅವರು ಭಾನುವಾರದಂದು ಕಡಬ ಗೃಹರಕ್ಷಕ ದಳದ ಘಟಕಕ್ಕೆ ಭೇಟಿ ಕೊಟ್ಟರು.
ಅವರು ಕಡಬ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲಾ ಮೈದಾನದ ಬದಿಯಲ್ಲಿ ಸಸಿ ನೆಡುವ ಮೂಲಕ ವಿಶ್ವ ಪರಿಸರ ದಿನಾಚರಣೆಯನ್ನು ಆಚರಿಸಿದರು. ಈ ಸಂದರ್ಭದಲ್ಲಿ ಮಂಗಳೂರು ಘಟಕದ ಪ್ಲಟೂನ್ ಸಾರ್ಜಂಟ್ ಸುನಿಲ್ ಪೂಜಾರಿ, ಹಿರಿಯ ಗೃಹರಕ್ಷಕರಾದ ರಮೇಶ್ ಬಿ, ಕಮಾಂಡೆಂಟ್ ಜೀಪು ಚಾಲಕ ದಿವಾಕರ, ಗೃಹರಕ್ಷಕರಾದ ಸುನೀಲ್ ಕುಮಾರ್, ದುಷ್ಯಂತ್ ಕುಮಾರ್, ಕಡಬ ಗೃಹರಕ್ಷಕ ದಳದ ಹಿರಿಯ ಗೃಹರಕ್ಷಕ ಎಸ್.ಎಲ್. ಉದಯಶಂಕರ್, ಗೃಹರಕ್ಷಕರಾದ ಸಂದೇಶ, ತಿಲಕ್, ರವಿ, ಕಿರಣ್ ಕುಮಾರ್, ಲೋಲಾಕ್ಷ, ಶಿವಪ್ರಸಾದ್, ರಾಕೇಶ್, ಮೋನಪ್ಪ, ಶಿವಪ್ರಸಾದ್ ಕೆ, ಪವಿತ್ ಕುಮಾರ್, ಮತ್ತು ಗೃಹರಕ್ಷಕಿಯರಾದ ಮೀನಾಕ್ಷಿ, ಪ್ರಮೀತಾ, ಶ್ರೀಲತಾ ಮೊದಲಾದವರು ಉಪಸ್ಥಿತರಿದ್ದರು.
