(ನ್ಯೂಸ್ ಕಡಬ) newskadaba.com ಅ.16. ನಟ ದರ್ಶನ್ ಹಾಗೂ ಗ್ಯಾಂಗ್ ನಿಂದ ಕೊಲೆಯಾದ ರೇಣುಕಾಸ್ವಾಮಿ ಪತ್ನಿ ಗಂಡು ಮಗುವಿಗೆ ಇಂದು ಜನ್ಮ ನೀಡಿದ್ದಾರೆ. ರೇಣುಕಾಸ್ವಾಮಿ ಕೊಲೆಯಾಗುವಾಗಲೇ ಗರ್ಭಿಣಿಯಾಗಿದ್ದ ಅವರ ಪತ್ನಿ ಇದೀಗ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮನೆಯಲ್ಲಿ ಸಂತಸ ಹೆಚ್ಚಾಗಿದೆ.
ರೇಣುಕಾಸ್ವಾಮಿ ಕೊಲೆ ನಡೆದು ಈಗಾಗಲೇ 4 ತಿಂಗಳು ಕಳೆದಿದೆ. ಇಂದು ಅಕ್ಟೋಬರ್‌ 16ರ ಬೆಳಿಗ್ಗೆ ರೇಣುಕಾಸ್ವಾಮಿ ಪತ್ನಿ ಸಹನಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮಗನನ್ನು ಕಳೆದುಕೊಂಡ ಮೃತ ರೇಣುಕಾಸ್ವಾಮಿ ಕುಟುಂಬಸ್ಥರಿಗೆ ಇಷ್ಟು ದಿನ ಬರಿ ನೋವೇ ಕಾದಿತ್ತು. ಆದರೆ ಈಗ ಮನೆಗೆ ಮತ್ತೊಬ್ಬ ಮಗ ಬಂದಿದ್ದಾನೆ ಎಂಬ ಸಂತಸ ಇದೆ. ಕೊಲೆ ನಡೆದು ತಿಂಗಳುಗಳೇ ಕಳೆದರೂ ಮನೆಯವರಿಗೆ ಮಗನ ಸಾವು ಕಾಡುತ್ತಿತ್ತು, ಹೀಗಿರುವಾಗ ಇದೀಗ ಮೊಮ್ಮಗ ಬಂದ ಕಾರಣ ಸಂತಸದ ವಾತಾವರಣ ಮೂಡಿದೆ.
