(ನ್ಯೂಸ್ಕಡಬ) newskadaba.com ಹೊಸದಿಲ್ಲಿ 23: ಇಂದು ದೇಶಿಯ ಷೇರು ಮಾರುಕಟ್ಟೆಯು ದಾಖಲೆಯ ಎತ್ತರದಲ್ಲಿ ತೆರೆದುಕೊಂಡಿತು. ಬೆಂಚ್ಮಾರ್ಕ್ ಇಕ್ವಿಟಿ ಸೂಚ್ಯಂಕಗಳು ಉತ್ತಮ ವಹಿವಾಟು ಸೆಷನ್ ಪ್ರಾರಂಭಿಸಿದವು. ರಾಷ್ಟ್ರೀಯ ಷೇರುಪೇಟೆ (NSE) ನಿಫ್ಟಿ 50 ಶೇ.0.25ರಷ್ಟು ಏರಿಕೆ ಕಂಡು 25,856.05ರಲ್ಲಿ ವಹಿವಾಟು ಆರಂಭಿಸಿದರೆ, ಬಾಂಬೆ ಷೇರುಪೇಟೆ (BSE) ಸೆನ್ಸೆಕ್ಸ್ 150 ಪಾಯಿಂಟ್‌ಗಳ ಏರಿಕೆ ಕಂಡು 84,693ಕ್ಕೆ ತಲುಪಿತು. ವ್ಯಾಪಾರದ ಪ್ರಾರಂಭದಲ್ಲಿ ವಿಶಾಲವಾದ ಸೂಚ್ಯಂಕಗಳು ಹಸಿರು ಬಣ್ಣದಲ್ಲಿ ತೆರೆಯಲ್ಪಟ್ಟವು. ಇಂದು ಬೆಳಗ್ಗೆ ಪ್ರಮುಖ ಸೂಚ್ಯಂಕಗಳಾದ ನಿಫ್ಟಿ-50 25,925.80, ಸೆನ್ಸೆಕ್ಸ್ 84,881.73 ಮತ್ತು ನಿಫ್ಟಿ ಬ್ಯಾಂಕ್‌ 53,994.60 ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ತಲುಪಿ ಹೊಸ ದಾಖಲೆ ಬರೆದಿದೆ.
