(ನ್ಯೂಸ್ ಕಡಬ) newskadaba.com ಕಡಬ, ಆ. 22. ತಾಲೂಕಿನ ಗೃಹರಕ್ಷಕ ದಳದ ನೂತನ ಕಛೇರಿಯ ಕಟ್ಟಡ ನಿರ್ಮಾಣಕ್ಕೆ ಶಿಲಾನ್ಯಾಸ ಕಾರ್ಯಕ್ರಮವು ಭಾನುವಾರದಂದು ನಡೆಯಿತು.
ಶಿಲಾನ್ಯಾಸ ಕಾರ್ಯಕ್ರಮವನ್ನು ದಕ್ಷಿಣ ಕನ್ನಡ ಜಿಲ್ಲಾ ಗೃಹರಕ್ಷಕ ದಳದ ಕಮಾಂಡೆಂಟ್ ಮತ್ತು ಗಣ್ಯರ ಸಮ್ಮುಖದಲ್ಲಿ ನೆರವೇರಿಸಲಾಯಿತು. ಭೂಮಿ ಪೂಜೆಯ ವೈದಿಕ ವಿಧಿವಿಧಾನವನ್ನು ಪ್ರಸಾದ್ ಕೆದಿಲಾಯರವರು ನೆರವೇರಿಸಿದರು. ಈ ಸಂದರ್ಭದಲ್ಲಿ ಜಿಲ್ಲಾ ಕಮಾಂಡೆಂಟ್ ಮಾತನಾಡಿ, ಇನ್ನು ಆರು ತಿಂಗಳ ಒಳಗೆ ಕಟ್ಟಡ ನಿರ್ಮಾಣವಾಗಿ ಗೃಹರಕ್ಷಕರ ಉಪಯೋಗಕ್ಕೆ ದೊರಕುವಂತಾಗಬೇಕು ಎಂದು ಶುಭ ಹಾರೈಸಿದರು. ಇನ್ನು ಮುಂದೆ ಗೃಹರಕ್ಷಕರಿಗೆ ವಾರದ ಕವಾಯತು ಮತ್ತು ವಿಶ್ರಾಂತಿಗೆ ಸೂರು ಕಲ್ಪಿಸಿದ ಕರ್ನಾಟಕ ಬ್ಯಾಂಕಿಗೆ ಧನ್ಯವಾದವನ್ನು ಸಮರ್ಪಿಸಿದರು.
ಕಡಬ ಪೇಟೆಯ ದಾಮ್ರೋಡಿ ಎಂಬಲ್ಲಿ 5 ಸೆನ್ಸ್ ಜಾಗ 20 ವರ್ಷಗಳ ಹಿಂದೆ ಸರಕಾರದಿಂದ ಮಂಜೂರಾಗಿತ್ತು. ಇದೀಗ ದಕ್ಷಿಣ ಕನ್ನಡ ಜಿಲ್ಲಾ ಗೃಹರಕ್ಷಕ ದಳದ ಕಮಾಂಡೆಂಟ್ ರಾದ ಡಾ| ಮುರಲಿ ಮೋಹನ ಚೂಂತಾರು ಅವರ ವಿಶೇಷ ಮುತುವರ್ಜಿಯಿಂದ ಕರ್ನಾಟಕ ಬ್ಯಾಂಕ್ ತನ್ನ ಸಾರ್ವಜನಿಕ ಬದ್ಧತಾ ನಿಧಿಯಿಂದ 10 ಲಕ್ಷಗಳನ್ನು ನೂತನ ಕಛೇರಿ ಕಟ್ಟಡಕ್ಕೆ ಅನುದಾನ ಮಂಜೂರು ಮಾಡಿದೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಶ್ರೀ ಜನಾರ್ಧನ ಗೌಡ ಪಣೆಮಜಲು, ಶ್ರೀ ಕೃಷ್ಣ ಶೆಟ್ಟಿ ನಂದುಗುರಿ, ಶ್ರೀ ಸತೀಶ್ ನಾಯಕ್ ಶಾರದಾ ಸದನ, ಶ್ರೀ ಗಿರೀಶ್ ಎ.ಪಿ. ಆರಿಗ, ಶ್ರೀ ಸತೀಶ್ ನಾಯಕ್ ಮೇಗಿನ ಮನೆ, ಉಪ ತಹಶೀಲ್ದಾರ್ ಶ್ರೀ ಗೋಪಾಲ್, ಕಟ್ಟಡ ಕಾಂಟ್ರಾಕ್ಟ್ರರ್ ಪುತ್ತು ಮೇಸ್ತ್ರಿ, ಮೀರಾ ಸಾಹೆಬ್ ಕಡಬ, ಮಹಮ್ಮದ್ ಸಾಹೆಬ್ ಕಡಬ, ಕೃಷ್ಣಪ್ಪ ಮಡಿವಾಳ, ಅಶ್ರಪ್ ಶೇಡಿಗುಂಡಿ, ಇಂಜಿನಿಯರ್ ಶ್ರೀಗಿರಿ ಕಡಬ, ಸೈಟ್ ಸೂಪರೇಜ್ ಝೀಯ ಕಡಬ, ಕಡಬ ಗೃಹರಕ್ಷಕ ದಳದ ಘಟಕಾಧಿಕಾರಿ ಶ್ರೀ ತೀರ್ಥೇಶ್ ಅಮೈ, ಹಿರಿಯ ಗೃಹರಕ್ಷಕರಾದ ಎಸ್ ಎಲ್ ಸುಂದರ್, ಎಸ್ ಎಲ್ ಉದಯಶಂಕರ್, ಜಯಪ್ರಕಾಶ್, ದಯಾನಂದ, ವಾಣಿ, ಹಾಗೂ ಗೃಹರಕ್ಷಕ ಗೃಹ-ರಕ್ಷಕಿಯರು ಉಪಸ್ಥಿತರಿದ್ದರು.
