(ನ್ಯೂಸ್ಕಡಬ)Newskadaba.com ಬಿಹಾರ,ಮೇ.04 ಪ್ರತಿಯೊಂದು ರಾಜ್ಯದಲ್ಲೂ ಸಂಚಾರ ನಿಯಮವನ್ನು ಪಾಲಿಸದೇ ಇದ್ದರೆ ಫೈನ್ ಕಟ್ಟಲೇಬೇಕು. ಸೀಟ್ ಬೆಲ್ಟ್ ಧರಿಸಿಲ್ಲ ಅನ್ನೋಕಾರಣಕ್ಕೆ ಬೈಕ್ ಸವಾರರೊಬ್ಬರಿಗೆ ಸಂಚಾರಿ ಪೊಲೀಸರು ದಂಡ ಪಾವತಿಸಲು ನೋಟೀಸ್ ನೀಡಿರುವ ಘಟನೆ ಬಿಹಾರದಲ್ಲಿ ನಡೆದಿದೆ.
ಸಮತಿಪುರದ ಕೃಷ್ಣಕುಮಾರ್ ಎಂಬುವವರಿಗೆ ಪೊಲೀಸರು ದಂಡದ ನೋಟೀಸ್ ಕಳುಹಿಸಿ ಎಡವಟ್ಟು ಮಾಡಿಕೊಂಡಿದ್ದಾರೆ. 2020ರಲ್ಲಿ ನಿಯಮ ಉಲ್ಲಂಘನೆ ಮಾಡಿರುವುದಾಗಿ ನೋಟೀಸ್ನಲ್ಲಿ ಉಲ್ಲೇಖವಾಗಿದೆ. ನಿಯಮ ಉಲ್ಲಂಘಿಸಿದ್ದಕ್ಕೆ ಸ್ಕೂಟರ್ ಸವಾರ ಕೃಷ್ಣಕುಮಾರ್ ಅವರಿಗೆ 1000 ರೂ. ದಂಡ ಪಾವತಿಸುವಂತೆ ನೋಟೀಸ್ನಲ್ಲಿ ತಿಳಿಸಿಲಾಗಿದೆ.ಆದರೆ ಈ ಘಟನೆಯಲ್ಲಿ ಪೊಲೀಸರು ಬೈಕ್ ಸವಾರನಿಗೆ ಸೀಟು ಬೆಲ್ಟ್ ಹಾಕಲಿಲ್ಲ ಎಂದು ದಂಡದ ನೋಟೀಸ್ ನೀಡಿ ನಗೆಪಾಟಲಿಗೀಡಾಗಿದ್ದಾರೆ.
