(ನ್ಯೂಸ್ ಕಡಬ) newskadaba.com ಮೈಸೂರು, ಜ. 08. ಜಿಂಕೆಗಳನ್ನು ಅಕ್ರಮವಾಗಿ ಕೊಂದು ಅದರ ಅಡಿಗೆ ಮಾಡುತ್ತಿದ್ದ ಆರು ಮಂದಿ ಆರೋಪಿಗಳನ್ನು ಬಂಧಿಸಿದ ಘಟನೆ ನಂಜನಗೂಡು ತಾಲೂಕಿನ ನಾಗಣಪುರ ಗ್ರಾಮದಲ್ಲಿ ನಡೆದಿದೆ.
ಆರೋಪಿಗಳನ್ನು ವಿದ್ಯಾಸಾಗರ್, ರವೀಂದ್ರ, ಯಶೋಧರ, ಪ್ರಸನ್ನ, ಸುಜಿತ್ ಹಾಗೂ ಕುಶಾಲಪ್ಪ ಎಂದು ಗುರುತಿಸಲಾಗಿದೆ. ಆರೋಪಿಗಳು ಬಂಡೀಪುರ ಹುಲಿಧಾಮದ ಅರಣ್ಯ ಪ್ರದೇಶದಿಂದ ಬಂದೂಕಿನಿಂದ ಮೂರು ಜಿಂಕೆ ಹಾಗೂ ಒಂದು ಮೊಲವನ್ನು ಅಕ್ರಮವಾಗಿ ಕೊಂದು ತಂದು ಅಡುಗೆ ಮಾಡುತ್ತಿದ್ದ ಸಂದರ್ಭ ಇವರನ್ನು ಬಂಧಿಸಿ ಕೃತ್ಯಕ್ಕೆ ಬಳಸಿದ ವಾಹನ ಹಾಗೂ ಬಂದೂಕನ್ನು ವಶಕ್ಕೆ ಪಡೆದಿದ್ದಾರೆ.
