➤➤ ವಿಶೇಷ ಲೇಖನ ಪ್ಲೂ (ಇನ್ ಪ್ಲುಯೆಂಜಾ) ಮತ್ತು ಕೋವಿಡ್-19 ವ್ಯತ್ಯಾಸಗಳೇನು..? ✍? ಡಾ|| ಮುರಲೀ ಮೋಹನ್ ಚೂಂತಾರು

(ನ್ಯೂಸ್ ಕಡಬ)newskadaba.com ಪ್ಲೂ ಎಂಬುದು ವೈರಾಣು ಸೋಂಕು ಆಗಿದ್ದು, ಇನ್‍ಪ್ಲೂಯೆಂಜಾ ಎಂಬ ವೈರಾಣುವಿನಿಂದ ಹರಡುತ್ತದೆ ಮತ್ತು ಕೋವಿಡ್-19 ರೋಗ ಕೊರೋನಾ ಗುಂಪಿಗೆ ಸೇರಿದ SARS=Cov-2 ಎಂಬ ವೈರಾಣುವಿನಿಂದ ಹರಡುತ್ತದೆ.

1) ಪ್ಲೂ ಅಥವಾ ಇನ್‍ಪ್ಲೂಯೆಂಜಾ ಸೋಂಕಿನಲ್ಲಿ ಅತಿಯಾದ ಜ್ವರ ಇರುತ್ತದೆ ಮತ್ತು 3 ರಿಂದ 4 ದಿನಗಳ ಕಾಲ ಇರಬಹುದು. ಕೋವಿಡ್-19 ನಲ್ಲಿಯೂ ಜ್ವರ ಇರುತ್ತದೆ.

2) ಇನ್‍ಪ್ಲೂಯೆಂಜಾ ಸೋಂಕಿನಲ್ಲಿ ಸಾಮಾನ್ಯವಾಗಿ ವಿಪರೀತ ತಲೆ ನೋವು ಮತ್ತು ತಲೆ ಭಾರ ಇರುತ್ತದೆ. ಆದರೆ ಕೋವಿಡ್-19 ನಲ್ಲಿ ಕೆಲವೊಮ್ಮೆ ಮಾತ್ರ ಸಾಮಾನ್ಯ ತಲೆನೋವು ಇರುತ್ತದೆ.

3) ಇನ್‍ಪ್ಲೂಯೆಂಜಾದಲ್ಲಿ ವಿಪರೀತ ಸುಸ್ತು ಆಯಾಸ, ದಣಿವು ಇರುತ್ತದೆ ಮತ್ತು 2 ರಿಂದ 3 ವಾರಗಳ ಕಾಲ ಮುಂದುವರಿಯಬಹುದು. ಆದರೆ ಕೋವಿಡ್-19ನಲ್ಲಿ ಸ್ವಲ್ಪಮಟ್ಟಿನ ಸುಸ್ತು ದಣಿವು ಇರುತ್ತದೆ.

4) ಇನ್‍ಪ್ಲೂಯೆಂಜಾದಲ್ಲಿ ಅತಿಯಾದ ಮೈಕೈ ನೋವು, ಸ್ನಾಯು ಸೆಳೆತ ಇರುತ್ತವೆ. ಕೋವಿಡ್-19ನಲ್ಲಿ ಸ್ವಲ್ಪಮಟ್ಟಿನ ಮೈಕೈ ನೋವು ಇರುತ್ತದೆ.

5) ಇನ್‍ಪ್ಲೂಯೆಂಜಾ ಮತ್ತು ಕೋವಿಡ್-19 ಎರಡರಲ್ಲೂ ಶೀತ, ಮೂಗು ಕೆರೆತ, ಅಕ್ಷಿ (ಸೀನುವಿಕೆ) ಕಂಡುಬರುತ್ತದೆ.

Also Read  ಅಪಾಯದ ಮಟ್ಟ ಮೀರಿ ಬೆಳೆಯುತ್ತಿರುವ ‘ಪಬ್ಜಿ’ ➤ ಸ್ಮಾರ್ಟ್ ಫೋನ್ ಗಳಲ್ಲಿ ಜೀವ ಕಳೆದುಕೊಳ್ಳುತ್ತಿರುವ ಯುವಸಮೂಹ

6) ಗಂಟಲು ಕೆರೆತ, ಇನ್‍ಪ್ಲೂಯೆಂಜಾ ಮತ್ತು ಕೋವಿಡ್-19 ಎರಡೂ ರೋಗಗಳಲ್ಲಿ ಕಂಡು ಬರುತ್ತದೆ.

7) ಇನ್‍ಪ್ಲೂಯೆಂಜಾ ಮತ್ತು ಕೋವಿಡ್-19 ಎರಡರಲ್ಲೂ ಕೆಮ್ಮು ಮತ್ತು ಒಣ ಕೆಮ್ಮು ಇರುವ ಸಾಧ್ಯತೆ ಇರುತ್ತದೆ.

8) ಇನ್‍ಪ್ಲೂಯೆಂಜಾ ರೋಗದಲ್ಲಿ ಉಸಿರಾಟದ ತೊಂದರೆ ಕಂಡು ಬರುವುದು ಬಹಳ ವಿರಳ. ಆದರೆ ಕೋವಿಡ್-19 ರೋಗದಲ್ಲಿ ಮುಂದುವರಿದ ಹಂತದಲ್ಲಿ ಉಸಿರಾಟದ ತೊಂದರೆ ಕಂಡುಬರುತ್ತದೆ.

9) ರುಚಿ ಕಂಡು ಹಿಡಿಯಲು ಕಷ್ಟವಾಗುವುದು ಮತ್ತು ವಾಸನೆ ಇಲ್ಲದಿರುವುದು ಕೋವಿಡ್-19 ರೋಗದಲ್ಲಿ ಕೆಲವೊಮ್ಮೆ ಕಂಡು ಬಂದಿರುತ್ತದೆ. ಆದರೆ ಇನ್‍ಪ್ಲೂಯೆಂಜಾ ರೋಗದಲ್ಲಿ ಇದು ಅತ್ಯಂತ ವಿರಳವಾಗಿರುತ್ತದೆ.

10) ಬೇಧಿ ಮತ್ತು ಅತಿಸಾರ ಕೋವಿಡ್-19 ರೋಗದಲ್ಲಿ ಕಂಡು ಬಂದಿದೆ. ಆದರೆ ಇನ್‍ಪ್ಲೂಯೆಂಜಾ ರೋಗದಲ್ಲಿ ವಿರಳವಾಗಿರುತ್ತದೆ.

11) ಪ್ಲೂ ಮತ್ತು ಕೋವಿಡ್-19 ಎರಡರಿಂದಲೂ ನ್ಯೂಮೋನಿಯಾ ಸೋಂಕು ಉಂಟಾಗಬಹುದು. ಆದರೆ ಕೋವಿಡ್-19 ನಲ್ಲಿ ಈ ಸಾಧ್ಯತೆ ಹೆಚ್ಚಾಗಿರುತ್ತದೆ.

12) ಮರಣದ ಪ್ರಮಾಣ ಪ್ಲೂ ರೋಗದಲ್ಲಿ 01 ಶೇಕಡಾ ಇರುತ್ತದೆ ಮತ್ತು ಕೋವಿಡ್-19 ರೋಗದಲ್ಲಿ 3.5% ಇರುತ್ತದೆ.

Also Read  ಸೊಳ್ಳೆ ಉತ್ಪಾದನಾ ಕೇಂದ್ರವಾದ ಕಡಬದ ಘನ ತ್ಯಾಜ್ಯ ವಿಲೇವಾರಿ ಘಟಕ ➤ ಕಣ್ಣು ಮುಚ್ಚಿ ಕುಳಿತಿರುವ ಕಡಬ ಗ್ರಾಮ ಪಂಚಾಯತ್ ಆಡಳಿತ ಮಂಡಳಿ

13) ಎರಡೂ ರೋಗಗಳು ಒಂದೇ ರೀತಿಯಲ್ಲಿ ಹರಡುತ್ತದೆ. ಸೀನಿದಾಗ, ಕೆಮ್ಮಿದಾಗ ಕಿರುಕಣಗಳ ಮುಖಾಂತರ ಹರಡುತ್ತದೆ ಎರಡೂ ರೋಗಗಳು ಸೋಂಕಿತ ವ್ಯಕ್ತಿಗಳಿಂದ ರೋಗ ಲಕ್ಷಣ ಕಾಣಿಸಿಕೊಳ್ಳುವ ಮೊದಲೇ ಹರಡುವ ಸಾಧ್ಯತೆ ಇರುತ್ತದೆ. ಕಿಟಕಿ ಅವಧಿ ಅಥವಾ ವಿಂಡೋ ಪೀರಿಯಡ್ ಪ್ಲೂ ರೋಗಕ್ಕೆ 3 ದಿನ ಇರುತ್ತದೆ ಮತ್ತು ಕೋವಿಡ್-19 ರೋಗಕ್ಕೆ 6 ರಿಂದ 9 ದಿನ ಇರುತ್ತದೆ.

 

ಡಾ|| ಮುರಲೀ ಮೋಹನ ಚೂಂತಾರು

error: Content is protected !!
Scroll to Top