ಮಂಗಳೂರು, ಮಾ.24: ಕೊರೋನ ಸೋಂಕನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ದ.ಕ. ಜಿಲ್ಲಾಧಿಕಾರಿ ವಿಧಿಸಲಾಗಿದ್ದ ಸೆಕ್ಷನ್ 144 ಆದೇಶ ಉಲ್ಲಂಘನೆ ಹಿನ್ನೆಲೆಯಲ್ಲಿ ಕಾನೂನು ನಿಯಮ ಮೀರಿದ ಏಳು ಮಂದಿಯನ್ನು ಬಂಧಿಸಲಾಗಿದೆ.
ಬಂಧಿತರನ್ನು ಹಾಸನದ ಜೇಮ್ಸ್(45), ಚಿಕ್ಕಮಗಳೂರಿನ ವಿಮೇಶ್ (30), ಯುಪಿ ಮೂಲದ ಅಮೀರಾ, ರಾಜಸ್ಥಾನದ ಬಲರಾಮ್ ಚೌದರಿ (32), ಅಸ್ಸಾಂ ಮೂಲದ ರಾಹುಲ್ ಪಾಂಡ್ಯ (18) ಎಂಬವರನ್ನು ಕೇಂದ್ರ ಉಪ ವಿಭಾಗ ಹಾಗೂ ಸಿದ್ದಿಕ್ ಹಾಗೂ ವಿನಯ್ ಎಂಬವರನ್ನು ದಕ್ಷಿಣ ಉಪ ವಿಭಾಗ ಪೊಲೀಸರು ಬಂಧಿಸಿದ್ದಾರೆ.
ಮಂಗಳವಾರ ಬೆಳಗ್ಗೆ 6ರಿಂದ ಮಧ್ಯಾಹ್ನ 12ರವರೆಗೆ ದಿನಸಿ ಸಾಮಾನುಗಳ ಖರೀದಿಗೆ ಅವಕಾಶ ನೀಡಿದ್ದರು. 12 ಗಂಟೆ ನಂತರ ತುರ್ತು ಸೇವೆ ಹೊರತು ಪಡೆಸಿ ವಾಹನ ಸಂಚಾರ ನಿಷೇಧಿಸಿದ್ದರು. ಸೋಮವಾರವೇ ಕಠಿಣ ಕ್ರಮದ ಕುರಿತು ಮಂಗಳೂರು ಪೊಲೀಸ್ ಕಮಿಷನ್ ಹರ್ಷ ಅವರು ಎಚ್ಚರಿಕೆ ನೀಡಿದ್ದರು.
