(ನ್ಯೂಸ್ ಕಡಬ) newskadaba.com ಕಡಬ, ಆ.12. ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಕಡಬ ವಲಯದ ವತಿಯಿಂದ ವರ್ಷಂಪ್ರತಿ ಆಚರಿಸಿಕೊಂಡು ಬರುತ್ತಿರುವ ಈದ್-ಮಿಲನ್ (ಕ್ರಿಡೋತ್ಸವ) ಕಾರ್ಯಕ್ರಮವು ಕಳಾರದ ಮೈದಾನದಲ್ಲಿ ಇತ್ತೀಚೆಗೆ ಜರಗಿತು.
ಕಾರ್ಯಕ್ರಮದಲ್ಲಿ ಹಗ್ಗ ಜಗ್ಗಾಟ, ಕೆಸರಿನಲ್ಲಿ ಓಟ ಸೇರಿದಂತೆ ಸುಮಾರು ಎಂಟು ರೀತಿಯ ಕ್ರೀಡೆಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಪಿಎಫ್ಐ ಸದಸ್ಯರು ಹಾಗೂ ಸಾರ್ವಜನಿಕರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಕಾರ್ಯಕ್ರಮವನ್ನು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಕಡಬ ವಲಯಾಧ್ಯಕ್ಷರಾದ ಬಶೀರ್ ಕೊರುಂದೂರು ಫಾತಿಹಾದೊಂದಿಗೆ ಉದ್ಘಾಟಿಸಿದರು. ಪಿಎಫ್ಐ ನೆಲ್ಯಾಡಿ ವಿಭಾಗದ ಅಧ್ಯಕ್ಷರು ಸಾದಿಕ್ ಅತ್ತಾಜೆ ವಂದಿಸಿದರು.
