(ನ್ಯೂಸ್ ಕಡಬ) newskadaba.com ಕಡಬ, ಮೇ.05. ಅಡ್ಡಹೊಳೆ ಸೈಂಟ್ ಜಾರ್ಜ್ ಜಾಕೋಬೈಟ್ ಸಿರಿಯನ್ ಚರ್ಚ್‌ನಲ್ಲಿ ಸಂತ ಜಾರ್ಜರ ಸ್ಮರಣೆ ಹಬ್ಬವು ಇಂದು (ಮೇ 05) ಆರಂಭಗೊಂಡಿದ್ದು, ಭಾನುವಾರ ಅಪರಾಹ್ನ ಸಮಾಪನಗೊಳ್ಳಲಿದೆ.
ಇಂದು ಪೂರ್ವಾಹ್ನ 7 ಗಂಟೆಗೆ ಪ್ರಭಾತ ಪ್ರಾರ್ಥನೆಯೊಂದಿಗೆ ಆರಂಭಗೊಂಡಿದ್ದು, ದಿವ್ಯ ಬಲಿಪೂಜೆ, ಹಾಗೂ ಧ್ವಜಾರೋಹಣ ನೆರವೇರಿದೆ. ಸಂಜೆ 06.30 ಕ್ಕೆ ಸಂಧ್ಯಾ ಪ್ರಾರ್ಥನೆ ನಡೆಯಲಿದ್ದು, ರಾತ್ರಿ 8 ಗಂಟೆಗೆ ಅಡ್ಡಹೊಳೆ ಮಲಂಕರ ಚರ್ಚಿಗೆ ವರ್ಣರಂಜಿತ ಮೆರವಣಿಗೆ ನಡೆಯಲಿದೆ. ಮೇ 06 ರಂದು ಪೂರ್ವಾಹ್ನ 8 ಗಂಟೆಗೆ ಪ್ರಭಾತ ಪ್ರಾರ್ಥನೆ ನೆರವೇರಲಿದ್ದು, 9 ಗಂಟೆಗೆ ಅತೀ ವಂದನೀಯ ಬಿಷಪ್‌ ರಾದ ಮರ್ಕೋಸ್ ಮೋರ್ ಕ್ರಿಸೋಸ್ಟಮೋಸ್ ರವರ ಯಾಜಕತ್ವದಲ್ಲಿ ದಿವ್ಯ ಬಲಿಪೂಜೆ ನಡೆಯಲಿದೆ. ಆ ಬಳಿಕ ಮಧ್ಯಸ್ಥ ಪ್ರಾರ್ಥನೆ, ಹಬ್ಬದ ಸಂದೇಶ ನಡೆಯಲಿದ್ದು, 11 ಗಂಟೆಗೆ ಅನ್ನ ಸಂತರ್ಪಣೆ, ಹರಕೆಗಳು ಹಾಗೂ ಉರುಳು ಸೇವೆ, ಅಡಿಮ ನಡೆಯಲಿದೆ. 12 ಗಂಟೆಗೆ ಆದ್ಯಫಲ ಲೇಲಂ, 12.30 ಗಂಟೆಗೆ ಪುಲ್ಲೋಟ್ ಶಿಲುಬೆ ಕಡೆಗೆ ಮೆರವಣಿಗೆ ತೆರಳಲಿದ್ದು, 1 ಗಂಟೆಗೆ ಆಶೀರ್ವಾದ ಹಾಗೂ ಹಬ್ಬದ ಪ್ರಸಾದ ವಿತರಣೆ ನಡೆದು 1.30 ಗಂಟೆಗೆ ಧ್ವಜಾವರೋಹಣದೊಂದಿಗೆ ಕಾರ್ಯಕ್ರಮ ಸಮಾಪ್ತಗೊಳ್ಳಲಿದೆ.
