(ನ್ಯೂಸ್ಕಡಬ) newskadaba.com ಆಸ್ಟೇಲಿಯಾ, ಎ.16. ಆಸ್ಟೇಲಿಯಾದ ಗೋಲ್ಡ್ ಕೋಸ್ಟ್ ನಲ್ಲಿ ಎಪ್ರಿಲ್ 4ರಿಂದ ಪ್ರಾರಂಭಗೊಂಡ ಕಾಮನ್ ವೆಲ್ತ್ ಕ್ರೀಡಾಕೂಟಕ್ಕೆ ಎಪ್ರಿಲ್ 15ನೇ ಆದಿತ್ಯವಾರದಂದು ತೆರೆ ಬಿದ್ದಿದೆ. ಪದಕ ಗಳಿಕೆಯಲ್ಲಿ ಭಾರತವು ಮೂರನೇ ಸ್ಥಾನವನ್ನು ಪಡೆದು ಕೊಂಡಿದೆ.
2018ರ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತವು ಒಟ್ಟು 66 ಪದಕಗಳನ್ನು ಗೆದ್ದಿದ್ದು, ಇವುಗಳಲ್ಲಿ 26 ಚಿನ್ನ, 20 ಬೆಳ್ಳಿ ಹಾಗು 20 ಕಂಚಿನ ಪದಕಗಳಾಗಿವೆ. ಪದಕ ಗಳಿಕೆಯಲ್ಲಿ ಒಟ್ಟು 198 ಪದಕಗಳನ್ನು ಪಡೆದು ಆಸ್ಟೇಲಿಯಾವು ಮೊದಲ ಸ್ಥಾನದಲ್ಲಿದೆ ಹಾಗು ಒಟ್ಟು 136 ಪದಕಗಳನ್ನು ತಮ್ಮದಾಗಿಸಿಕೊಂಡ ಇಂಗ್ಲೆಂಡ್ ಎರಡನೆ ಸ್ಥಾನದಲ್ಲಿದೆ.
