(ನ್ಯೂಸ್ಕಡಬ) newskadaba.com,ಮಂಗಳೂರು, ಡಿ.19 ದ.ಕ ಜಿಲ್ಲೆ ವಿಟ್ಲ ನೋಂದಣಿ ಉಪ ಜಿಲ್ಲೆಯ ವ್ಯಾಪ್ತಿಯೊಳಗಿನ ಬಾಳೆಪುಣಿ ಗ್ರಾಮದ ಜಿಸ್‍ಹಾನ್ ಎನ್‍ಕ್ಲೇವ್ ಎಂಬ ಹೊಸ ಯೋಜನೆಯ ಬಹುಮಹಡಿ ಕಟ್ಟಡಕ್ಕೆ ಚದರ ಮೀಟರ್ ಒಂದಕ್ಕೆ ರೂ.21300/- ರಂತೆ ಮಾರುಕಟ್ಟೆ ದರವನ್ನು ನಿಗದಿಪಡಿಸಿದ್ದು, ಪರಿಷ್ಕೃತ ದರಪಟ್ಟಿ ಕರಡು ಪ್ರತಿಯನ್ನು ಸಾರ್ವಜನಿಕರ ಅವಗಾಹನೆಗೆ ತರಲು ವಿಟ್ಲ ಉಪನೋಂದಣಿ ಕಚೇರಿಯ ಸೂಚನಾ ಫಲಕದಲ್ಲಿ ಡಿಸೆಂಬರ್ 13 ರಂದು ಪ್ರಕಟಿಸಲಾಗಿದೆ.
ಸಾರ್ವಜನಿಕರು ಈ ಬಗ್ಗೆ ಆಕ್ಷೇಪಣೆಗಳಿದ್ದಲ್ಲಿ 15 ದಿನದ ಒಳಗೆ ಸದಸ್ಯ ಕಾರ್ಯದರ್ಶಿಗಳು, ಮಾರುಕಟ್ಟೆ ಮೌಲ್ಯ ಮಾಪನ ಉಪಸಮಿತಿ ವಿಟ್ಲ ಹಾಗೂ ಉಪನೋಂದಣಾಧಿಕಾರಿ ವಿಟ್ಲ ಇವರಿಗೆ ಸಲ್ಲಿಸಬೇಕು ಎಂದು ಉಪನೋಂದಣಾಧಿಕಾರಿ ವಿಟ್ಲ, ದ.ಕ ಜಿಲ್ಲೆ ಇವರ ಪ್ರಕಟಣೆ ತಿಳಿಸಿದೆ.
