(ನ್ಯೂಸ್ ಕಡಬ) newskadaba.com ಹಾವೇರಿ , ಡಿ 23 : ಹೆದ್ದಾರಿಯಲ್ಲಿ ವಾಹನ ತಡೆದು ದರೋಡೆ ಮಾಡುತ್ತಿದ್ದ ನಾಲ್ವರು ಖತರ್ನಾಕ್ ಅಂತಾರಾಜ್ಯ ದರೋಡೆಕೋರರನ್ನು ಹಾವೇರಿ ಜಿಲ್ಲಾ ಪೊಲೀಸರು ಬಂಧಿಸಿದ್ದಾರೆ ಎನ್ನಲಾಗಿದೆ.
ಬಂಧಿತರನ್ನು ಕೇರಳ ರಾಜ್ಯದ ಅಂಥೋನಿ ಲೂಯಿಸ್, ಅಬ್ಬಾಸ್ ಇ.ಎಸ್.ಪಿರಾಯಿರಿ, ನಿಶಾದಬಾಬು ಹಮೀದ್ ಹಾಗೂ ಭರತ ಕುಮಾರ್ ಕುಟ್ಟಾ ಎಂದು ಗುರುತಿಸಲಾಗಿದೆ.
ನ.21 ರಂದು ರಾತ್ರಿ ಮಹೇಶ ಅವರ ಕಾರು ಅಡ್ಡಗಟ್ಟಿದ್ದಾರೆ. ನಂತರ ಕಬ್ಬಿಣದ ರಾಡುಗಳಿಂದ ಕಾರಿನ ಗಾಜು ಒಡೆದು, ಕಾರಿನಲ್ಲಿದ್ದ 50 ಲಕ್ಷ ರೂ.ನಗದು ಹಾಗೂ ಒಂದು ಕಾರನ್ನು ದರೋಡೆ ಮಾಡಿದ್ದಾರೆ. ಬಂಧಿತರಿಂದ ಐಷಾರಾಮಿ ಅಡಿ ಕಾರು, ಇನ್ನೋವಾ ಐದು ಕಾರು, 34 ಲಕ್ಷ ರೂ. ನಗದು , ಸ್ಮಿತ್ ಕಂಪನಿಯ ಗನ್, ಬುಲೆಟ್ ಗಳು, ಡಮ್ಮಿ ವಾಕಿಟಾಕಿಗಳು, ಪ್ರೆಸ್ ಸ್ಟಿಕರ್, ಮಂಕಿ ಕ್ಯಾಪ್, 4 ಕಬ್ಬಿಣದ ರಾಡ್ ಗಳನ್ನು ವಶಪಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.
