(ನ್ಯೂಸ್ ಕಡಬ) newskadaba.com ಸುಬ್ರಹ್ಮಣ್ಯ, ಸೆ.21: ಕಳೆದ ಎರಡು ಮೂರು ದಿನಗಳಿಂದ ಎಡೆಬಿಡದೆ ಸುರಿಯುತ್ತಿರುವ ಧಾರಕಾರ ಮಳೆಗೆ ಸುಬ್ರಹ್ಮಣ್ಯ ಕುಮಾರಧಾರ ಸ್ನಾನಘಟ್ಟದಲ್ಲಿ ಸಂಜೆಯಾಗುವಾಗ ನೀರಿನ ಮಟ್ಟ ಏರುತ್ತಾ ಬಂದು ಸ್ನಾನ ಘಟ್ಟದ ಬಳಿಯ ಮಹಿಳೆಯರ ಡ್ರೆಸ್ಸಿಂಗ್‌ ರೂಂ ಜಲಾವೃತಗೊಂಡಿದ್ದು, ಲಗೇಜ್‌ ಕೊಠಡಿ, ರಕ್ಷಕರ ಕೊಠಡಿಗೂ ನೀರು ನುಗ್ಗಿದ್ದು ಹಳೆ ಸೇತುವೆ ಮುಳುಗಡೆಯಾಗಿತ್ತು. ಆದರೆ ಕಳೆದ ದಿನ ಸಂಜೆ ಜಲಾವೃತಗೊಂಡಿದ್ದ ಸುಬ್ರಹ್ಮಣ್ಯ ಕುಮಾರಧಾರ ಸ್ನಾನಘಟ್ಟದಲ್ಲಿ ಇಂದು ಬೆಳಗ್ಗೆ ನೀರಿನ ಮಟ್ಟ ಕೊಂಚ ಇಳಿಮುಖವಾಗಿದೆ.
